Prezıdent ákimshiliginiń birinshi orynbasary Dáýren Abaev qazaqstandyq ultshyldardy aýǵan terrorıstik «Talıban»* salystyrǵan reseılik saıasatker Vladımır Jırınovskııdiń málimdemesine qatysty pikir bildirdi. Bul týraly "Adyrna" ulttyq portaly Orda.kz saıtyna silteme jasap habarlaıdy.
– Biz Jırınovskııdiń Qazaqstan týraly jarııa málimdemesine mán berýdi baıaǵydan toqtatýymyz kerek. Tek shoý, saıasat joq. Árıne, saılaý aldynda saılaýshylardan upaı jınaýǵa tyrysady. Ony qaryndashpen emes, qolǵa popkorn alyp tyńdaý kerek, – dedi Abaev.
– Til máselesindegi jáne etnosaralyq qatynastar máselesindegi saıasatqa keletin bolsaq, prezıdent keshe osy taqyrypta barlyq suraqtarǵa núktelerdi qoıdy, – dep túıindedi qazaqstandyq saıasatker.
Eske sala keteıik, «til reıdterin» uıymdastyrýshy Qýat Ahmetovke qarsy QR QK-niń 174-baby «Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý» boıynsha qylmystyq is qozǵalǵan bolatyn. Zańǵa sáıkes, ol jeti jylǵa deıin bas bostandyǵynan aırylýy múmkin.
«Talıban»* qozǵalysy – Qazaqstan aýmaǵynda tyıym salynǵan terrorıstik uıym