«Talıban» qozǵalysynyń resmı ókili Zabıhýlla Mýdjahıd Aýǵanstannyń jańadan qurylǵan úkimettegi jańa taǵaıyndaýlar týraly málimdedi, dep habarlaıdy "Adyrna" ulttyq portaly.
«Aýǵanstan Islam emıratynyń» premeri mindetin atqarýshy qyzmetine molla Mohammad Hasan Ahýnd taǵaıyndaldy.
Premer-mınıstrdiń birinshi orynbasary Mýlla Abdýl Ǵanı Baradar boldy. Ol toptyń uıymdastyrýshysynyń biri, qýǵynda júrgende Qatarda Talıban úkimetin basqarǵan.
Ekinshi orynbasary-Mýlla Abdýl Salam Hanafı. Ol Dohada ótken kelissózderde tálipter delegaııasynyń ekinshi tulǵasy boldy.
"Talıban" qozǵalysyn saıası qanatynyń múshesi - molla Abdýl Hak Vasık Aýǵanstannyń barlaý mınıstri bolyp taǵaıyndaldy. Ol buǵan deıin tálipterdiń saıası basqarmasynda Eýropa bólimine jetekshilik etken.
Aýǵanstannyń qorǵanys mınıstri «Talıbannyń" negizin qalaýshylardyń biri molla Muhammed Iakýb Mýjahıdtiń balasy boldy.
IIM basshysy bolyp qozǵalys kósemderiniń biri Sıradjýddın Hakkanıdiń uly taǵaıyndaldy. Ol uıymnyń eń radıkaldy qanaty «Hakkanı jelisine» jetekshilik etken.
Bilim mınıstri - sheıh Mavlavı Nýrýlla Mýnır basqarsa, Mádenıet jáne aqparat mınıstrligine Zabıhýlla Mýdjahıd jetekshilik etetin boldy.
Aýǵanstannyń Syrtqy ister mınıstrligin qozǵalys kósemderiniń biri molla Amır Han Mottakı basqarady.
Qarjy mınıstri bolyp molla Eıadýlla Badrı taǵaıyndaldy. Ekonomıka mınıstrligin Mohammad Hanıf basqarady. Ortalyq banktiń basshysy - molla Mohammad Idrıs.
"Adyrna" ulttyq portaly
