AQSh prezıdenti Djo Baıden Aýǵanstandaǵy AQSh áskerleri kezinde AQSh-qa jumys istegen aýǵandyqtar men ózderiniń elshiliktegi azamattaryn tolyq evakýaııalanǵansha Aýǵan jerinde bolatynyn málimdedi.
Qazir Talıban resmı bılikke otyrdy. Shyny kerek, Aýǵanstan halqy da, bıligi de Tabıbannyń aldynda qaýqarsyz kúıde qaldy. 20 jyl boıy qaqtyǵysqa túsken Talıbannyń birligi myqty emes dep aıta almaısyń.
Qazir NATO-nyń quramyndaǵy Kanada, Ulybrıtanııa sııaqty elder aýǵandyq bosqyndardy myńdap qabyldaýǵa sheshim jasady. Biraq ázirge reısterdiń tasymaly bastalǵan joq.
Aq Úıden resmı málimdeme jasaǵan Baıden "Aýǵan halqynyń Talıban jasaqtarymen soǵysýǵa yqylasy bolmady, sońyna deıin kúrese almady. Biz olarǵa qoldan kelgen kómektiń barlyǵyn da jasadyq" dedi.
AQSh 20 jyl boıy Aýǵanstanda Talıban qozǵalysyna qarsy soǵysta aýǵandyqtarǵa kómek úshin 80 mıllıard dollardan astam qarajat shyǵyndaǵan. Biraq, Djo Baıdenniń aıtýynsha, aýǵandyqtar AQSh-tyń úmitin aqtamady. Aq Úı munyń basty sebebin Aýǵan bıligindegi tamyrlap ketken jemqorlyqpen tikeleı baılanystyrdy.
Bekbolat QARJAN,
"Adyrna" ulttyq portaly
