Tälıpterdıŋ äielderdıŋ medbike jäne akuşer mamandyǧy boiynşa bılım aluyna tyiym saluy synǧa ūşyrady, dep habarlaidy "Adyrna" ūlttyq portaly The Guardian-ǧa sıltep.
Auǧanstandaǧy äielderdıŋ medbike jäne akuşer mamandyqtary boiynşa bılım aluyna tyiym salu halyqaralyq qūqyq qorǧau ūiymdary tarapynan «nadandyq äreketı» retınde synǧa alyndy.
Resmi türde jariialanǧan jarlyq bolmasa da, jergılıktı BAQ mälımetınşe, būl şeşım «Taliban» densaulyq saqtau ministrlıgınıŋ otyrysynda qabyldanyp, bılım beru mekemelerıne taratylǧan. Kabul men basqa da aimaqtardaǧy studentter men oqytuşylar sabaqtardyŋ toqtatylǧanyn rastady.
22 jastaǧy medbike studentı Sahar (esımı özgertılgen) būl jaŋalyqty estıgende jylap jıbergenın aitty.
«Būl menıŋ soŋǧy ümıtım edı», – dedı ol.
Gerat provinsiiasyndaǧy bırneşe student äielder oqu oryndarynyŋ jabyluyna qarsylyq bıldırıp, gubernator äkımşılıgınıŋ aldynda jinalyp, «Bılım alu – bızdıŋ qūqymyz!» dep ūrandatty.
Qūqyq qorǧauşylar men halyqaralyq ūiymdar būl tyiymdy synap, äielderdıŋ bılım alu qūqyǧyn būzudyŋ auyr saldary bolatynyn eskertude. Amnesty International ūiymynyŋ belsendısı Samira Hamidi būl tyiymdy «Auǧanstan äielderı men qyzdaryna jasalǧan soǧys» dep atady.
«Būl şeşım köptegen auǧan äielderınıŋ ömırıne qauıp töndıredı. Eldegı mädeni dästürlerge säikes, äielder därıger er adamǧa qaraluǧa barmaidy. Al äielderge medisinalyq bılım aluǧa tyiym salu – äielderdıŋ densaulyq saqtau qyzmetıne qol jetkızuın müldem şekteidı», – dedı Hamidi.
Human Rights Watch ūiymynyŋ ökılı Hizer Barr būl tyiymnyŋ auyr saldary turaly aitty.
«Eger äielderge er därıgerlerge qaraluǧa jäne medisinalyq bılım aluǧa tyiym salynsa, onda äielder densaulyq saqtau qyzmetınen aiyrylyp, saldarynan ölım-jıtım köbeiedı», – dedı ol.
Ūqsas jaŋalyqtar
