Qytaı tóraǵasy Sı zınpın bir top dıplomattyń qatarynda Aýǵanstannyń Qytaıdaǵy jańa elshisinen de senim gramotasyn qabyldady. Bul týraly Qytaı syrtqy ister mınıstrliginiń baspasóz qyzmeti jarııalady, dep habarlaıdy “Adyrna” ulttyq portaly.
30 qańtarda Halyq májilis zalynda ótken saltanatty rásimde 42 eldiń elshileri Sı zınpınge senim gramotalaryn tapsyrdy. Olardyń arasynda buryn «Talıban» úkimetiniń baspasóz hatshysynyń orynbasary qyzmetin atqarǵan Bılal Karımı de bar.
Buǵan deıin Qytaı tálipter bılikke kelgennen keıin Aýǵanstanǵa resmı túrde jańa elshi taǵaıyndaǵan alǵashqy el boldy.
Chjao Shen 13 qyrkúıekte Kabýlda ótken saltanatty sharada Aýǵanstannyń is júzindegi úkimetiniń basshysy Muhammed Hasan Ahýndqa senim gramotasyn tapsyrdy. Qytaı bıligi Chjao Shenniń taǵaıyndalýy «Talıban» úkimetin resmı tanýǵa ázirlik belgisi bolyp tabyla ma, joq pa, sony naqtylaǵan joq.
«Bul Qytaıdyń Aýǵanstandaǵy elshisiniń ádettegi rotaııasy jáne Qytaı men Aýǵanstan arasyndaǵy dıalog pen yntymaqtastyqty odan ári damytýǵa baǵyttalǵan. Qytaıdyń Aýǵanstanǵa qatysty saıasaty aıqyn jáne dáıekti», - dep atap ótti Qytaı Syrtqy ister mınıstrligi.
Talıban Kabýldy 2021 jyldyń 15 tamyzynda basyp alyp, úsh aptadan keıin jańa úkimettiń taǵaıyndalǵanyn jarııalady. Biraq álemniń birde-bir memleketi bul qozǵalysty Aýǵanstannyń zańdy úkimeti dep resmı túrde áli moıyndaǵan joq.
Álemdik qaýymdastyq jańa bılikten Aýǵanstandaǵy túrli etnosaıası kúshterdiń ókilderin, sondaı-aq tálipter kezinde quqyqtary aıtarlyqtaı shektelgen áıelderdi qamtıtyn koalıııalyq úkimet qurýdy talap etýde. Óz kezeginde tálipter barlyǵymen jaqsy qarym-qatynasta bolǵysy keletinderin aıtyp, Eýropa elderin Kabýldaǵy elshilikterin qaıta ashýǵa shaqyrýda.
