Talıban" qozǵalysynyń ókilderi (Qazaqstanda tyıym salynǵan uıym - esk.) Aýǵanstanda bılikti qolyna alǵannan keıin alǵash ret jetekshisi Haıbatýlla Ahýndzadanyń sýretin jarııalady, - dep habarlaıdy Sputnik Afganıstan Telegram-kanaly.
"Birqatar aqparat kózi "Talıban" jetekshisin óldi dep eseptedi. Bul - ol týraly uzaq ýaqyt aqparat shyqpaǵannan bergi alǵashqy sýreti", - dep jazady Telegram-kanal.
"Talıban" kóshbasshysynyń sýretin alǵash bolyp Twitter-de aýǵan jýrnalısi Mýslım Shırzad jarııalady. Ol jergilikti saıası sholýshy Nazar Mohammad Motmaenge silteme jasady.
Biraq jeli qoldanýshylar bul sýret eki jyl buryn túsirilgenin aıtyp jatyr.
29 tamyzda BAQ Ahýndzada Aýǵanstanǵa kelgenin habarlaǵan. Amerıkalyq áskerıler Aýǵanstan aýmaǵynda bolǵan kezde, molda Pákistanda jasyrynyp júrgen. Qazirgi ýaqytta ol Kandagarda jáne "Talıbannyń" basqa basshylarymen kezdesýler ótkizip jatqany aıtylady.
Tálipter Ahýndzadany "Aýǵanstan Islam Ámirliginiń" joǵarǵy basshysy dep ataıdy. Biraq Aýǵanstannyń jańa basshysy taǵaıyndalǵany jáne bılik "Talıbanǵa" aýysqany týraly áli resmı deńgeıde habarlanǵan joq.
