BŪŪ-nyŋ adam qūqyqtary jönındegı joǧary komissary Mişel Bachelettıŋ aituynşa, onyŋ keŋsesınde "Taliban" sodyrlarynyŋ öreskel qūqyq būzuşylyqtary turaly senımdı mälımetter bar, dep habarlaidy “Adyrna” ūlttyq portaly Stan.kz aqparat agenttıgıne sılteme jasap.
BŪŪ-nyŋ adam qūqyqtary jönındegı jetekşısı seisenbıde Auǧanstandaǧy "Taliban" qozǧalysynyŋ öreskel qūqyq būzuşylyqtary turaly senımdı aqparat alǧanyn aitty, onyŋ ışınde beibıt tūrǧyndar men auǧan qauıpsızdık küşterınıŋ "ölım jazalary" turaly aqparattar bar.
BŪŪ ökılı, atap aitqanda, beibıt tūrǧyndardy tiıstı zaŋ şeŋberınsız ölım jazasyna kesu, narazylyqtardy basu jäne balalardy äsker qataryna qosu turaly aitty.
"Būl beibıt tūrǧyndar men Auǧanstan ūlttyq qauıpsızdık küşterınıŋ būrynǧy müşelerın sot aiasynan tys öltıru, äielder qūqyǧynyŋ şekteluı, onyŋ ışınde erkın jüru jäne qyzdardyŋ mektepke baru qūqyǧy jaiynda aitylyp otyr. Sonymen qatar bala-sarbazdar äsker qataryna alynyp, beibıt şeruler basyluda" , - dedı BŪŪ komissary.Ol būǧan deiın top ökılderı äielder men etnikalyq jäne dıni azşylyqtardyŋ qūqyqtaryn qūrmetteuge mındetteme alǧanyna erekşe nazar audardy. Bachelet tälıpterdı äielderdıŋ qūqyqtaryn qūrmetteuge şaqyryp sonymen bırge būl saladaǧy kez kelgen qūqyq būzuşylyq älemdık qoǧamdastyq aldyndaǧy "qyzyl syzyqqa" ainalatynyn atap öttı. BŪŪ komissary 1996 jyly Taliban şabuylynan būryn 3,5 million qyz balanyŋ mektepke barǧanyn eske saldy. Al 1999 jyldyŋ özınde tek 9 myŋǧa juyq qyz bastauyş mektep tabaldyryǧyn attaǧan. BŪŪ-nyŋ adam qūqyqtary jönındegı täuelsız sarapşylary jasaǧan bırıkken mälımdemede "Taliban üilerdı aralap ızdeudı jalǧastyruda" dep köptegen adamdar jasyrynyp jatqanyn jäne jeke mülıkterdı tartyp alu men repressiia turaly habarlama tüskenın aitqan.
"Tälıpterdıŋ osy ailarda jäne osy uaqytqa deiın jasaǧan äreketın soǧys qylmystary men adamzatqa qarsy qiianatpen teŋestıruge bolady" , - dedı olar.Būǧan deiın tälıpter qazırgı "Talibannyŋ" 20 jyl būrynǧydan özgeşe ekenın aitqan bolatyn: Auǧanstanda bilıktı qolǧa alǧannan keiın olar adam qūqyqtaryn qorǧauǧa uäde bergen, sonyŋ ışınde äielderdıŋ, eşkımnen kek almau jäne tūtastai alǧanda küştı islamdyq memleket qūru üşın ötkennıŋ barlyq qatelıkterın eskerudı meje qylǧanyn mälımdegen. Alaida, keiınırek būqaralyq aqparat qūraldarynda paida bolǧan jaŋalyqtar barlyǧy kerısınşe ekenın körsettı. Būǧan deiın Auǧanstannyŋ soltüstıgınde tälıpter jas äieldı dämsız tamaq pısırgenı üşın örtep jıbergenı aitylǧan bolatyn.
Ūqsas jaŋalyqtar
