Tūrsynbektı jaqtauşy kompaniianyŋ adamdary mynadai saiasi lozungı şyǧarypty:
«Sürıngendı, bülıngendı söz etpe,
Men de tūrmyn, sen de tūrsyŋ kezekte»
Mynau şumaqtyŋ astaryna üŋılseŋız, men de, sen de qylmys jasauǧa kezek kütıp otyrmyz degenge keledı eken. Bıraq, osy lozungtı aityp otyrǧandar qoǧam men halyqty ädılet ızdeme, jemqorlyqqa köz jūma qara, aq pen qarany ajyratpa, erteŋ senıŋ de basyŋa osy keledı dep basyp otyrǧan siiaqty. Qazaq aŋqau ǧoi, sene salady.
Qazır Tūrsynbektıŋ jaqtauşylary köbeidı. Olardyŋ qatarynda änşıler köş bastady. Qazaq qoǧamy soŋǧy 30 jyldyŋ ışınde änşılerden (bärı emes) eşbır jaqsylyq körgen joq. Qoǧamdy, jastardy özderınıŋ jeke bas tırlıkterımen, jyltyraqtarymen ruhani regresske ūşyratqan da osy änşıler boldy.
Odan keiıngı sapta jalǧan bloggerler toqtausyz jūmys ıstep jatyr. Būlardyŋ da qatary tym köp. Soǧan qaraǧanda tym köp aqşa jūmsalyp jatqan siiaqty.
Al, üşınşı qatarda qoǧamnyŋ ışındegı «köp aitsa köndı, jūrt aitsa boldy» degenge şapqylaityn toǧyşar tobyrlar tūr. Eŋ qauıptı tendensiiany da, qoǧamdy oŋdyrmai jıberetın de osy toǧyşar tobyrlar bolyp tūr.
Osynyŋ bärın oilai kele, bızdıŋ qoǧam zaŋ üstemdık qūrǧan jüiede eşqaşan da ömır süre almaidy degen qorytyndyǧa keldım. Sebebı, qoǧamnyŋ özı jemqorlyqqa äbden üirengen. Sybailastyqtyŋ talai türıne bara alady bızdıŋ qoǧam. Şaruasyn tek oŋai jolmen şeşıp ketuge etı ölıp ketken. Eger de bızde zaŋ küştı üstemdık qūrsa, onda qazaq qoǧamynyŋ ömır süruı qiyndap salady dep oilai berıŋız.
Tūrsynbektıŋ sözın japyryla, aqtaryla söilep jatqan toǧyşar tobyrlar testke kırıp, qosaq arasynda ketken qarşadai qyzǧa qiianat jasalmasyn dep bır de bır dauys kötergen joq. Sol qyzdyŋ taǧdyry, erteŋı ne bolsa ol bolsyn, būlarǧa Tūrsynbek jauapqa tartylmai, sytylyp şyǧyp ketse boldy. Qarşadai ǧana qyz erıkkennen barǧan joq būl tırlıkke. Ony da tūrmystyŋ küibeŋı jep bara jatqandyqtan bardy. Ol qyzdy da men aqtamaimyn. Tek qana Tūrsynbek dep ölıp-talyp jatqan tobyrlardyŋ qarşadai qyzǧa bır sät janaşyrlyq jasap, araşa sūramauy – būlardyŋ essız, bassyz, qūlqynynan asa almaityn zūlym, jaǧympaz ekenınıŋ anyq körınısı.
Jemqorlardy aqtap, paraqorlyqqa barmaq basty, köz qystymen qarap otyrǧan qoǧamnyŋ qazırgı syiqy osy.
Bekbolat QARJAN,
"Adyrna" ūlttyq portaly
Ūqsas jaŋalyqtar
