Shaqalaǵyn qolyna alyp "taksıletken" anaǵa jurtshylyq qomaqty qarjy jınap berdi

2208
Adyrna.kz Telegram

Bir qolymen kólikti tizgindep, bir qolymen besikti terbetken qazaq áıelin halqy baqytqa bóledi. Ótkende ǵana aqparat aıdynyn dúr silkindirgen eńbekqor anaǵa jurt bolyp jıylyp, aqshalaı asarlatyp, qazaqstandyqtar qomaqty qarjy jınap berdi. Ananyń kózinen qýanyshtyń ystyq jasy yrshyp, kópshilikke sheksiz rızashylyǵyn bildirdi. Bul jaıly "Adyrna" ulttyq portaly jazdy. 

Qaznette kúnkóris qamyman kólik pen besikti qatar tizgindegen ananyń vıdeosy taraǵan edi. Balasyn jol ústinde áldılegen keıipkerdiń áreketine biri súısinse, biri tańyrqady. Nátıjesinde, jomart jandar keıipkerge qol ushyn berip, qarjylaı qoldaý kórsetti.  Halyqtyń biri jansebil jannyń qurmeti úshin 100 myń aýdarsa, biri sońǵy 100 teńgesin joldaǵan.

Qýanyshtan janaryna jas alǵan jannyń esimi - Ásel. Eki perzenti bar. Tuńǵyshy 12 jasta, qundaqtaýly sábıiniń esimi - Medına. Bes aılyq. Ásel qazir Astana qalasyndaǵy jataqhanalardyń birinde turyp jatyr. Nápaqasy úshin kólik tizgindeıdi, kópshilikpen qatar qońyr tirlik keshedi. Eshkimdi aıyptamaıdy, eshkimge shaǵymdanbaıdy.

"Alyp ta anadan týady", "Osyndaı qaısar qazaq áıelderine tań qalamyn", "Ana degen - ulylyq. Bizdiń qoǵamda keıde balacyn oqytý, toqytý, jetkizý jalǵyz anaǵa ǵana júkteletin sekildi. Eger ákesi balasyn qolyna alyp, osylaı kólik júrgizse, bári óre túregeler edi. Analarǵa sheksiz alǵys", "Balalaryn asyraý  úshin táýekelge bel býyp otyr. Jol ústinde júrý - ońaı emes. Óte qaýipti" dep jazdy oqyrmandar.

"Adyrna" ulttyq portaly

Pikirler