Ukraina Germaniiadan bundesver qoryndaǧy bırneşe ondaǧan Patriot zymyran-tosqauyldaǧyşyn berudı sūrady, dep habarlaidy "Adyrna" ūlttyq portaly Bloomberg agenttıgıne sıltep.
Basylym mälımetınşe, Kiev qosymşa äue qorǧanys qūraldaryn 2026 jyldyŋ özınde aluǧa müddelı. Ūsynylyp otyrǧan kelısımge säikes, Germaniia zymyrandardy jedel jetkızse, Ukraina keiın öz aumaǧynda öndırılgen zenittık zymyrandardy Germaniiaǧa beru mındettemesın alady.
Alaida Germaniianyŋ qorǧanys ministrlıgı būl aqparatqa qatysty tüsınıkteme beruden bas tartqan. Al Ukraina prezidentı keŋsesı Bloomberg agenttıgınıŋ saualyna jauap bermegen. Germaniia ükımetı Kievtıŋ ötınışın älı qarastyruda. Tiıstı şeşım şılde aiynda ötetın NATO sammitıne deiın nemese sammit barysynda jariialanuy mümkın.
Säuır aiynda Berlin Ukrainaǧa 4 milliard euro kölemınde äskeri kömek paketın bölgen bolatyn. Onyŋ qūramyna Patriot äue qorǧanys jüielerıne arnalǧan bırneşe jüz zymyrandy jetkızudı qarjylandyru da engızılgen. Ukraina soŋǧy uaqytta Patriot jüielerıne arnalǧan zymyrandardyŋ tapşylyǧyn sezınıp otyr. Būǧan deiın prezident Vladimir Zelenskii qolda bar qorlardyŋ jaqyn arada tausyluy mümkın ekenın mälımdegen edı
