Bizde basshyǵa jaqpaǵan týrashyl, bilimdi, minezdi talaı mamandar qańǵyp ketti...

1020
Onshaqty jyl buryn bir tanys qyz biraz ýaqyt jumyssyz júrdi. Ózi talantty, biraq minezdi bolǵan soń basshylarǵa jaqpaı jumystan bosap qalǵan eken. Birdeńeler jazyp nápaqasyn aıyryp júrgen oǵan keıde noýtbýgymdy berip, keıde jumystaǵy ınterneti bar kompıýterge otyrǵyzyp kómektesip júrdim.
Sonda ol: "men nege bos júrmin, meniń qabiletimdi paıdalanyńdarshy dep aıqaılaǵym keledi" deıtin. Janaıqaı ǵoı. Sol qyz sekildi talantty, bilimdi adamdar bizde ár salada bar. Ásirese qazirgi indet kezinde farmaevt, hımık, bıolog, tehnolog mamandardyń qajettiligi qatty sezilip otyr. Bul indet toqtaǵan soń da bıologııalyq soǵys qaterinen jýyq arada qutylmaıtynymyz belgili. Osyndaıda atalǵan salanyń úzdik mamandaryn halyq densaýlyǵyn saqtaýǵa tartsa deısiń. Jańaǵy qyz sııaqty qabilet-qarymy paıdalanylmaı otyrǵan adamdar kóp. Ótkende "áıelderge kózqarasy durys emes" dep bir hımıkti qyryq rý bop tas atyp qýalap, aýzyn jaýyp tyndyq. Sóıtsek ol óte daryndy ǵalym, ondaǵan patenti, ónertabystary bar bilikti maman eken. Biz qarapaıym aspırınge qol jetkize almaı otyrmyz, al ol "aspırınniń odan jaqsy túrin shyǵarý qıyn emes" dep formýlasymen kórsetip otyr. Ony jumystan shyǵartqansha halyq medıınasy men qazirgi medıınany ushtastyryp dári-dármek shyǵaratyn shaǵyn óndiris ornyn ashyp berse murtymyzdy balta shabatyn ba edi. Áne, qytaılyq dárigerler bizdiń jerimizdegi shópterge kóz salyp otyr. Olar sol ósimdikterimizden dári jasap bizge ákesiniń qunyna satatyn bolady, satyp ta jatyr. Óz aqshamyzǵa dári taba almaı sharq uryp júrmiz. Kórshi Reseı shyǵaratyn preparattardy bizde de shyǵarýǵa bolady ǵoı. Dári-dármek problemasyn sheshýdiń bir joly sol - óz mamandarymyzdy, óz shıkizatymyzdy paıdalanyp, óz elimizde sheteldiń tehnologııasymen shyǵarý. Sonda dári baǵasy da aspanǵa sharyqtamas pa edi qazirgideı.
Adamǵa adam dep qaramaıtyn elde realızovatsıa etpegen bilikti mamandardyń shetelge ketkeni ketken. "ýtechka mozgov" kóp eldiń biri Qazaqstan dep aıtyp jatyr ǵoı.
"Ýtechka mozgov"-tyń kókesi karantın bitken soń bolatyn shyǵar. Sol úshin "aýyldaǵynyń aýzy sasyq" demeı, bilimdi-bilikti kásibı mamandardy iske tartsa elge paıdasyn tıgizýden olar da qashpas.
Dına IMANBAIDYŃ
feısbýk paraqshasynan 
Pikirler
Uqsas jańalyqtar