Qazaqstandyq kásipqoı boksshy Danııar Eleýsinovtiń kelesi jekpe-jegi 6 maýsymda Londonda ótetin boldy.
«Meniń kelesi jekpe-jegim London qalasynda 6 maýsymda Iork Holda ótedi. Bul meniń Ulybrıtanııadaǵy debıýttik kezdesýim bolady», - dep jazdy boksshy óziniń Instagram paraqshasynda.
Eske sala ketsek, 29 sáýirde Danııar Eleýsinov kásibı bokstaǵy alǵashqy jeńisine qol jetkizgen bolatyn. Onyń amerıkalyq boksshy Noa Kıddpen jekpe-jegi Denıel Djeıkobs pen Maeı Sýlekı arasyndaǵy aıqastyń anderkartynda Nıý-Iorktegi Barclays Center arenasynda ótti. Alty raýndqa eseptelgen jekpe-jektiń úshinshi kezeńinde qazaqstandyq boksshy tehnıkalyq nokaýtpen jeńiske jetti. Sóıtip Danııar óziniń kásibı bokstaǵy alǵashqy jeńisin toılaǵan edi. Atalǵan kezdesýden keıin Eleýsinov kásibı boksshylardyń álemdik reıtıngine kirdi.
____________________________________________________________________________________________________________
inform.kz
