بىزدە باسشىعا جاقپاعان تۋراشىل، ءبىلىمدى، مىنەزدى تالاي ماماندار قاڭعىپ كەتتى...

سوندا ول: "مەن نەگە بوس ءجۇرمىن، مەنىڭ قابىلەتىمدى پايدالانىڭدارشى دەپ ايقايلاعىم كەلەدى" دەيتىن. جانايقاي عوي. سول قىز سەكىلدى تالانتتى، ءبىلىمدى ادامدار بىزدە ءار سالادا بار. اسىرەسە قازىرگى ىندەت كەزىندە فارماتسەۆت، حيميك، بيولوگ، تەحنولوگ مامانداردىڭ قاجەتتىلىگى قاتتى سەزىلىپ وتىر. بۇل ىندەت توقتاعان سوڭ دا بيولوگيالىق سوعىس قاتەرىنەن جۋىق ارادا قۇتىلمايتىنىمىز بەلگىلى. وسىندايدا اتالعان سالانىڭ ۇزدىك ماماندارىن حالىق دەنساۋلىعىن ساقتاۋعا تارتسا دەيسىڭ. جاڭاعى قىز سياقتى قابىلەت-قارىمى پايدالانىلماي وتىرعان ادامدار كوپ. وتكەندە "ايەلدەرگە كوزقاراسى دۇرىس ەمەس" دەپ ءبىر حيميكتى قىرىق رۋ بوپ تاس اتىپ قۋالاپ، اۋزىن جاۋىپ تىندىق. سويتسەك ول وتە دارىندى عالىم، ونداعان پاتەنتى، ونەرتابىستارى بار بىلىكتى مامان ەكەن. ءبىز قاراپايىم اسپيرينگە قول جەتكىزە الماي وتىرمىز، ال ول ء"اسپيريننىڭ ودان جاقسى ءتۇرىن شىعارۋ قيىن ەمەس" دەپ فورمۋلاسىمەن كورسەتىپ وتىر. ونى جۇمىستان شىعارتقانشا حالىق مەديتسيناسى مەن قازىرگى مەديتسينانى ۇشتاستىرىپ ءدارى-دارمەك شىعاراتىن شاعىن ءوندىرىس ورنىن اشىپ بەرسە مۇرتىمىزدى بالتا شاباتىن با ەدى. انە، قىتايلىق دارىگەرلەر ءبىزدىڭ جەرىمىزدەگى شوپتەرگە كوز سالىپ وتىر. ولار سول وسىمدىكتەرىمىزدەن ءدارى جاساپ بىزگە اكەسىنىڭ قۇنىنا ساتاتىن بولادى، ساتىپ تا جاتىر. ءوز اقشامىزعا ءدارى تابا الماي شارق ۇرىپ ءجۇرمىز. كورشى رەسەي شىعاراتىن پرەپاراتتاردى بىزدە دە شىعارۋعا بولادى عوي. ءدارى-دارمەك پروبلەماسىن شەشۋدىڭ ءبىر جولى سول - ءوز ماماندارىمىزدى، ءوز شيكىزاتىمىزدى پايدالانىپ، ءوز ەلىمىزدە شەتەلدىڭ تەحنولوگياسىمەن شىعارۋ. سوندا ءدارى باعاسى دا اسپانعا شارىقتاماس پا ەدى قازىرگىدەي.

ادامعا ادام دەپ قارامايتىن ەلدە رەاليزوۆاتسيا ەتپەگەن بىلىكتى مامانداردىڭ شەتەلگە كەتكەنى كەتكەن. "ۋتەچكا موزگوۆ" كوپ ەلدىڭ ءبىرى قازاقستان دەپ ايتىپ جاتىر عوي.