Osy joly Aiagüldıŋ auyr qazasyna orystıldı auditroiia da şulap kettı. Ädette eşteŋege män bermeitın, qara basynyŋ ǧana qamymen ketken orystıldı auditoriianyŋ şulap ketuıne ne türtkı boldy eken... Men osy joly olardyŋ orys tıldı segmentterınde qandai jaŋalyqtar bar eken dep analizdep körgen edım.
Tıptı ışınde orys ūltynan, basqa da ūlttan, Qazaqstannyŋ azamattary Aiagüldıŋ qazasyna jan-tänımen küiıp otyryp jazǧan pıkırlerınen oqyp şyqtym.
Ädette, ūlt mäselesıne, tıl mäselesıne, basqa da qūndylyqtarǧa kelgende asa män bere qoimaityn orystıldı segmenttı Aianyŋ taǧdyry tolǧantyp tastapty. Olardyŋ ışınde "ädılettı tekserıs bolsyn, aq qarasyn anyqtasyn" dep otyrǧandardyŋ qarasy öte köp. Osy menı taŋ qaldyryp otyr. Al, qazaq segmentınde "ölgen adam öldı, artyn qazbalap keregı ne? Bäle ızdemeŋder. Äruaqty jaiyna qaldyryŋdar" degen syŋaidaǧy sözder qarşa borap jatyr. Ekı mentalitet, ekı türlı közqaras, ekı türlı älem, bıraq bır memleket.
Qazaqtyŋ jany aiauly qyzy Aiagüldıŋ ölımı bızdıŋ qoǧamnyŋ sondai qatygez, şyndyqty, aqiqatty eşbır jerde jaqtamaityn, ädıletsız, opasyz, örkenietsız, tūrlauy joq tırlıkke beiım, jauapkerşılıkten jūrdai ekenın aŋqaityp taǧy da aşyp berıp otyr. Baiqap qarasaŋyz, qazaq segmentınde adam ölımı men onyŋ jauapkerlışıgı jaiynda, aq-qarasyna nemqūraily qaraityn adamdardyŋ qarasy öte-öte basym eken. Mūny jüreksız qoǧam dese de qatelık emes.
Perışte jandy jazuşynyŋ ruhy älı talai sıresıp qalǧan, zūlymdyqpen, ädıletsızdıkpen toqylǧan örmekşınıŋ toryndai būǧattardy qiratyp ötetın siiaqty. Ärkımnıŋ jeke basynda bır şyndyǧy bar. Aqiqat öz aldyna bölek dünie. Aqiqat aşylsa, talai adam jerge qaraidy, tıptı jerge kırıp te ketuı mümkın.
Uaqyt töreşı!
Men özımızdıŋ özımızge ädıletsız bolyp otyrǧanymyzdy aityp otyrmyn.
Bekbolat QARJAN,
"Adyrna" ūlttyq portaly
Ūqsas jaŋalyqtar
