1972 j.22- ıanvarda 22 jasar stıýardessa Vesna Výılovıch ,,YA" avıakompanııasynyń ushaǵymen Stokgolmnan Belgradqa ushyp shyǵady.
Nemis qalasy Hersdorfqa jaqyndaǵanda 10 myń metr bıiktikte ushaqta horvat ultshyldary qoıǵan bomba jarylyp, Vesnadan ózge ekıpaj músheleri men jolaýshylar túgeldeı qaza tabady. Bagajdaǵy jeńil zattardyń arasynda qystyrylyp qalǵan Vesna ushaqtyń quıryq bólimimen birge ormandaǵy qaraǵaılar ústine túsip, soqqy ekpini báseńsigennen keıin, qalyń kúrtik qarǵa kirip ketedi. Al ony birinshi taýyp alǵan ormanshy burynǵy dáriger bolyp shyǵyp, oǵan arnaıy qyzmet kelip jetkenshe qajetti kómek kórsetedi. Bas súıegi, eki qol, eki aıaǵy, qabyrǵalary synǵan qyz birneshe kún es-tússiz, on aı sal bolyp jatyp, eki jyldaı emdelgennen soń óziniń avıakompanııasyna qaıta jumysqa oralypty.
Esimi Gınnes kitabyna enip, 2016 jyly 66 jasynda óz shańyraǵynda dúnıeden ótipti.
Ramazan AJNIIaZOVTYŃ
feısbýk paraqshasynan
