Ukraina prezidentı Vladimir Zelenskii Resei prezidentı Vladimir Putinge aşyq hat joldap, soǧysty aiaqtau maqsatynda tıkelei kezdesu ötkızudı ūsyndy, dep habarlaidy "Adyrna".
Hatynda Zelenskii soǧys Putinnıŋ jeke taŋdauy ekenın, alaida onyŋ pıkırınşe, qazır būl soǧys reseilıkterdı de qanaǧattandyrmai otyrǧanyn aitty.
«Ukraina soǧysty sız ben bızdıŋ aramyzdaǧy kelıssözder arqyly aiaqtaudy ūsynady. Men sızge kezdesudı ūsynamyn», – delıngen hatta.
Vladimir Zelenskii Mäskeuden basqa kez kelgen jerde – Şveisariiada, Türkiiada nemese arab elderınıŋ bırınde kezdesuge daiyn ekenın mälımdedı.
Sondai-aq ol kezdesudıŋ naqty künın belgıleudı ūsyndy.
«Ukraina kelıssözder jürıp jatqan kezeŋde tolyq atysty toqtatuǧa daiyn. Ukraina äskeri tūtqyndardy “bärın bärıne” qaǧidaty boiynşa almastyruǧa daiyn, būl soǧysty aiaqtaudyŋ jaqsy bastamasy bolar edı. Soǧys kezınde äketılgen beibıt tūrǧyndar men balalardy qaitaru üşın maŋyzdy qadamdar jasau qajet. Ukraindar men reseilıkterdıŋ keler ūrpaǧynyŋ bolaşaǧy qandai bolatynyn anyqtau kerek.
Eger sız jeke öz oiyŋyzda būl soǧysty aiaqtaityn uaqyt kelgenın tüsınbeseŋız, Ukraina öz ömır süruı üşın kürestı jalǧastyrady. Bızdı qoldaityndar bolady. Bıraq sızge de öz ömırıŋız üşın äldeqaida köbırek küresuge tura keledı – Resei üşın emes, özıŋızdıŋ jeke ömırıŋız üşın. Būl menıŋ nemese Ukrainanyŋ tarapynan aitylǧan qoqan-loqy emes. Būl – Resei tarihynyŋ sız jaqsy bıletın şyndyqtary: Resei şarşaǧan kezde özgerıster bolady. Bız sondai şarşaudy küşeitu baǧytynda jūmys ıstei alamyz. Al sız öz soǧysyŋyzdy toqtata alasyz», – delıngen Vladimir Zelenskiidıŋ aşyq hatynda.
Resei prezidentınıŋ baspasöz hatşysy Dmitrii Peskov Kremlde būl hatty körgenderın, alaida Vladimir Putinnıŋ äzırge onyŋ mazmūnymen tanyspaǧanyn aitty.
Būǧan deiın Vladimir Zelenskii Resei prezidentı Vladimir Putinmen kezdesuge daiyn ekenın mälımdep, soǧysty aiaqtauǧa AQŞ kömektesedı dep ümıttenetının aitqan bolatyn.
