Äzerbaijan SIM CNN jariialaǧan el aumaǧynyŋ İranǧa qarsy operasiialarda paidalanylǧany turaly mälımetterdı terıske şyǧaryp, aqparatty resmi türde joqqa şyǧarudy talap ettı, dep habarlaidy "Adyrna" ūlttyq portaly DW-ǧa sıltep.
Būl turaly Äzerbaijan SIM resmi ökılı Aihan Gadjizade mälımdedı. Onyŋ aituynşa, maqalada Äzerbaijan aumaǧy İranǧa qarsy äskeri nemese barlau operasiialarynda paidalanyldy degen jäne elde İzrail küşterı ornalasqan degen mälımdemeler şyndyqqa janaspaidy. Aihan Gadjizade mūndai aqparattardyŋ būǧan deiın de bırneşe ret joqqa şyǧarylǧanyn atap öttı. Sondai-aq Äzerbaijannyŋ resmi ūstanymy CNN redaksiiasyna olardyŋ saualyna jauap retınde aldyn ala jetkızılgenın aitty.
SIM ökılınıŋ sözınşe, naqty däleldersız, anonimdı derekközderge süiene otyryp jäne Äzerbaijannyŋ resmi pozisiiasyn eskermei mūndai mälımdemeler jariialau obektivtılık, beitaraptyq jäne jurnalistık etika qaǧidattaryna qaişy keledı.
«Äzerbaijan aumaǧynyŋ qandai da bır üşınşı memleketke qarsy äskeri operasiialar, barlau qyzmetı nemese özge de dūşpandyq maqsattar üşın paidalanylyp jatqany turaly mälımdemelerge eşqandai negız joq. Elımız mūndai äreketterge eşqaşan jol bergen emes jäne bermeidı», – dedı Aihan Gadjizade.
Onyŋ aituynşa, Äzerbaijan öŋırdegı beibıtşılıkke, tūraqtylyqqa jäne tatu körşılık qatynastardy damytuǧa beiıldı. SIM ökılı atalǧan jariialanymdy kezektı jalǧan aqparat taratu äreketı dep baǧalap, CNN-nen negızsız mälımdemeler qamtylǧan maqalany joqqa şyǧarudy kütetınderın jetkızdı.
