Feisbuk äleumettık jelısınde Tūrarbek Qūsaiynov özı tūryp jatqan 1 bölmelı üiın, jalǧyzbasty bes balaly anaǧa beremın dep jazba qaldyrdy. Osyǧan deiın «Aq senım» qaiyrymdylyq qory nauqas balamdy paidalandy dep habarlasqan Aǧaişa Besenbaevany künı erteŋ bes balasymen jaldamaly päterden şyǧaryp jıberuı mümkın, deidı Qūsaiynov.
Bes balasy bar (onyŋ küieuı auyratyn) jalǧyzbasty ana Aǧaişa Besenbaevanyŋ qiyn ärı qaiǧyly taǧdyryn äleumettık jelıde jariialaǧan maqala men jurnalist Oraz Älımbekov aǧamyzdyŋ postyn oqyp, qatty qinaldym, janym aşyp, jüregım auyryp kettı. Olardy erteŋ jaldamaly päterden şyǧaryp jıberedı eken. Sonda alty jan dalada qaŋǧyp qalaiyn dep tūr. Osy jaǧdaidy estıp, typyrşyp, ornymda otyra almadym, şydai almai kettım. Sol üşın özım tūryp jatqan bır bölmelı päterımdı, bes balaly anaǧa üi tapqanşa tegın beremın dep şeşım qabyldadym.
Özım dostarymnyŋ üiıne me, älde arzan hostelge me baryp tūra berem. Eŋ bastysy, bes büldırşın, jalǧyzbasty ana jylamasynşy, jylatpaiyqşy. Qazır Aǧaişaǧa habarlasyp osy ūsynysymdy aityp jatyrmyn.
Elmira Köşekbai
«Adyrna» ūlttyq portaly
Ūqsas jaŋalyqtar
