QHA 25 jyl ışınde älemdık arenada Qazaqstannyŋ jaqsy aty şaryqtauyna, beldı qauymdastyqtardyŋ oŋ baǧalauyna yqpal etken ırgelı institutqa ainaldy.
Ūlttyq müddelerdı qarama-qaişylyqtarsyz bır arnaǧa toǧystyra bılgen Qoǧamdyq kelısım körınısı el territoriiasyndaǧy audan, qala deŋgeiınde de etnomädeni ortalyq bolyp jandandy.
Assambleia qoǧamdyq kelısım men bırtūtas ūltqa bırıktıru mındetın ıske asyra otyryp, jaŋa qoǧamnyŋ barlyq sūranystaryn jauapsyz qaldyrmaidy.
Sondai –aq, Elbasy ekşegen mındetterdı oryndaidy. Assambleia qūramynda myŋdaǧan etnomädeni ortalyq, aimaqtarda «Qazaq tılı» qoǧamdastyǧymen qatar, 2753 Qoǧamdyq kelısım keŋesınıŋ esıgı azamattarǧa aiqara aşyq. Assambleia qūramyndaǧy 1801 Analar keŋesı de näzık jandylar tarapynan tuyndaǧan kürmeulı mäselelerdıŋ tüiının tarqatuǧa septesıp otyr. Assambleia qyzmetınıŋ laiyqty deŋgeide jüzege asuyna ūzyn sany 400 myŋ el tūrǧyny qolǧabys jasap otyr.
Tatulyq instituty eŋseretın kelesı spektr – qaiyrymdylyq. 2015 jyly bekıgen Qazaqstannyŋ «Qaiyrymdylyq turaly» zaŋynyŋ negızınde eldıŋ tūraqtylyǧyn tūǧyrly etuge, qaiyrymdylyq qyzmetın damytuda QHA äleumettık funksiia atqaruy men järdemdesuı belgılengen.
Byltyrǧy statistkaǧa süiensek, Assambleia 667 myŋ adamǧa 4 milliard teŋgeden asyp jyǧylatyn kömek körsetken. QHA damudyŋ revoliusiialyq emes, evoliusiialyq baǧytyn tu etken. Osy baǧytta äleumettık – tūrmystyq qaqtyǧystardy boldyrmau maqsatynda mediasiia qyzmetın de ūsynady.
Etnosaralyq tatulyqty tereŋdetıp, meiırım mereiın tasytu maqsatynda Elbasy bastamasymen 2016 jyly 1 nauryz Alǧys aitu künı bolyp bekıdı. Būl mereke ötken ǧasyrdyŋ 30-40 jyldary Qazaqstanǧa köş tüzegen ūlystarǧa aiqara qūşaq aşqan jergılıktı ūltqa alǧys aitudyŋ, bırlıktıŋ simvolikalyq beinesı.
Qazaqstan ışkı tūraqtylyqty bolattai bekemdeumen bırge jer şaryndaǧy tüsınbestık pen qaqtyǧystardyŋ oŋ şeşıluıne yqpal etetın elge ainalsa, Nūr-Sūltan qalasy tatulyq alaŋyna balandy.
Araaǧaiyndyq pen älemdık beibıtşılıktıŋ besıgınıŋ şaiqalmauyn şyn qalap naqty äreket etetın elımız tūraqtylyqtyŋ qazaqstandyq modelın şartarapqa moiyndatty. Bızdıŋ tılegımız Qazaqstan baǧzydan jetken «Bereke basy - bırlekte» ūranyn ūmytpaityn ūlt retınde tarihta taŋbalansyn!
Inju ÖMIRZAQ,
”Adyrna” ūlttyq portaly
