Jetisýlyqtar aýyl ákimderin saılaýda joǵary belsendilik pen azamattyq jaýapkershilikti tanytty.Tańerteńnen keshki saǵat 20.00-ge deıin adamdar óz kandıdatyna daýys berý úshin saılaý ýchaskelerine bardy. Saılaý naýqany aımaqtyń 71 okrýginde ótti.
Almaty oblystyq saılaý komıssııasynyń múshesi Qaharman Jaqsylyq óz aıtqandaı, barlyq jetisýlyqtar úshin tarıhı kún óreskel buzýshylyqsyz ótti.
Oryn úshin ortasha básekelestik 3,3 adamdy qurady. Okrýg ákimderiniń saılaýyna kandıdattardyń senimdi ókilderi, túrli deńgeıdegi baıqaýshylar, sondaı-aq BAQ ókilderi qatysty. Almaty oblysynyń turǵyndary da osy saılaýda belsendilik tanytty saılaýshylar tizimine 221952 azamat engizildi, onyń ishinde 149888 adam daýys berýge qatysty", - dep bólisti Qaharman Jaqsylyq.
Sondaı-aq, Qaharman Jaqsylyq jańadan saılanǵan ákimder týraly habarlady. 25 jasar Birjan Mahatov Almaty oblysyndaǵy eń jas aýyldyq okrýg ákimi boldy. Saılaý qorytyndysy boıynsha ol Qarasaı aýdany Eltaı aýyldyq okrýginiń ákimi boldy.
Okrýgtiń jas ákimine aqsaqaldar da úlken úmit artady. Eltaı aýyldyq okrýginiń belsendisi ádil Keltaevtyń aıtýynsha, maqsatqa umtylǵan Birjannyń ambıııasy aýyldyq okrýgti jańa deńgeıge kóteredi.
"Biz eski máseleler jańa zamanaýı sheshimderin tabady dep senemiz. Jas urpaqtyń iske degen kózqarasy erekshe. Bizdiń aýyldyq okrýgti jas jáne eńbekqor ákim basqaratyny meni qýantady. Oǵan qyzmetine tabys tileımin. Biz onyń barlyq bastamalaryn týǵan aýylymyzdyń ıgiligi úshin qoldaýǵa daıynbyz", – dedi Ádil Keltaev.
Alakól aýdany Jaǵatal aýyldyq okrýginen Qaırat Turlybekov halyq senimine ıe boldy. Ol 100% daýys jınady". Ol Jaǵatal okrýginiń týmasy, biraq 2017 jyldan bastap Aqtúbek aýyldyq okrýginde ákim bolyp jumys istep, úlken jumys atqardy. Eńbek jolyn traktorıst bolyp bastaǵan.
Biz durys tańdaý jasadyq. Qaırat Turlybekovty jaqsy bilemiz. Aqtúbek aýyly úshin kóp jumys jasady. Ol kóshelerdi asfalttady, shyǵarmashylyq klýbtar saldy, zamanaýı jaıaý júrginshiler ótkelderi bar baǵdarshamdar ornatty. Ol tek is pen sózdiń adamy ǵana emes, bas árippen jazylǵan adam ekenin aıtqym keledi, - dedi Jaǵatal aýyldyq okrýginiń turǵyny Serǵa Satybaldınova.
Sarqan aýdanynyń Amanbókter aýyldyq okrýgindegi turǵyndar ákim qyzmetine – áıel azamatsha laıyq dep, onyń er adamnan kem túspeıtinine senimdi.
Shyryngúl Nurqanova 20 jylyn memlekettik qyzmette jumys isteýge arnady. Búgingi tańda áıel adamdardyń múddeleri men umtylystaryna sáıkes keletin ustanymyn rastaýǵa tyrysady jáne búginde naqty is-qımyl baǵdarlamasyn usynǵan.
"Men aýyl ákimdiginde 20 jylǵa jýyq jumys isteımin, aýyldyń áleýmettik-ekonomıkalyq jaǵdaıyn jaqsarta alamyn dep oılaımyn. Týǵan aýylyma paıda ákelgim keledi, ǵalamtordyń joqtyǵyna baılanysty máseleni sheshý, joldardyń jaǵdaıyn jaqsartý jáne týrızm salasyn damytý josparda bar", - dep qosty Shyryngúl Nurqanova.
Sondaı-aq Oıtoǵan aýylynda Venera Berikova ákim áıelderdiń qataryn tolyqtyrdy 1984 jyly 6 qyrkúıekte Aqsý aýdany Oıtoǵan aýylynda dúnıege kelgen. 2001 jyly I.Jansúgirov atyndaǵy orta mektepti, 2006 jyly Qazaq ulttyq agrarlyq ýnıversıtetin "veterınarııa" mamandyǵy boıynsha jáne 2009 jyly Ó. Joldasbekov atyndaǵy Quqyq jáne ekonomıka akademııasyn "qarjyger"mamandyǵy boıynsha bitirgen. Eńbek jolyn 2006 jyly Aqsý aýdandyq máslıhaty apparatynyń hatshysy bolyp bastaǵan. 2008 jyldyń sáýir aıynan bastap Aqsý aýdandyq máslıhatynyń apparatynda bas maman bolyp qyzmet atqarady.
Aýyl ákimderin tikeleı saılaý olardyń aýyldaǵy sýmen jabdyqtaý, joldardy kútip-ustaý, abattandyrý jáne t.b. sııaqty ómirlik mańyzy bar birqatar máseleler boıynsha sheshimder qabyldaýdaǵy ákimder qyzmetiniń tıimdiligin arttyrýǵa yqpal etedi, bul rette saılanǵan ákimder saılaýshylarynyń aldyndaǵy jaýapkershilik jeke ýájdemeniń basty faktoryna jáne olardyń qyzmetiniń tıimdiligin arttyrýdy kútýge aınalady. Sonymen qatar, Besaǵash aýylynda jańa ákim bolǵan Ernar Júnisovke de úlken úmit artyldy.
Jańa ákim bizdiń ál-aýqatymyzdy jaqsartady dep senemiz. "Jaqsy ákim bol, halqyńa jaqyn bol"degendeı. Sondyqtan aýyl ákimderin saılaý jónindegi bastama halyq pen bılikti shynymen jaqyndastyrady dep esepteımin, - dedi Besaǵash aýylynyń turǵyny, Talǵar aýdanynyń Qurmetti azamaty Shabden Noǵaıbaev.
Aıta keteıik, oblysta barlyǵy 235 úmitker tirkelgen. Saılaýshylar Eńbekshiqazaq aýdanynyń-10, Aqsý aýdanynyń-9, Alakól aýdanynyń-8, Balqash, Uıǵyr aýdandarynyń -6, Kegen aýdanynyń -5, Kerbulaq, Kóksý, Panfılov, Talǵar aýdandarynyń -4, Sarqan aýdanynyń -3, Jambyl, Qaratal aýdandarynyń -2, Eskeldi, Ile, Qarasaı aýdandarynyń jáne Tekeli qalasynyń -1 okrýgteriniń ákimderine daýys berdi. Aıta ketý kerek, Qazaqstanda aýyl ákimderiniń tikeleı saılaýy alǵash ret ótýde. Ideıa Prezıdent Qasym-Jomart Toqaevqa tıesili. Memleket basshysy bul bastama jergilikti ózin-ózi basqarý ınstıtýttaryn engizý arqyly memlekettik basqarýdy ortalyqsyzdandyrýǵa baǵyttalǵan negizgi saıası reformalar paketin iske asyrýdy kózdeıtinin atap ótti.
