Búgin táýelsiz elimizdiń tarıhynda alǵash ret aýyl, kent, aýyldyq okrýg jáne aýdandyq mańyzdaǵy qala ákimderiniń saılaýy ótedi, dep Egemen.kz-ke silteme jasaı otyryp "Adyrna" ulttyq portaly habarlaıdy.
Búgin 730 eldi mekenniń ákimi sondaǵy turǵyndardyń tikeleı daýys berýi arqyly anyqtalmaq.
2021 jyldan bastap aýyl ákimderiniń saılaýyn ótkizý týraly Prezıdenttiń «Jańa jaǵdaıdaǵy Qazaqstan: is-qımyl kezeńi» atty Joldaýynda tapsyrma berilgen bolatyn.
Aýmaqtyq saılaý komıssııalarynyń málimeti boıynsha osy 730 saılaý okrýginde 2582 kandıdat usynylǵan. Solardyń 2297-i tirkeýden ótken. Kandıdattardyń basym bóligi – óz-ózin usynýshylar. Saılaý týraly zańnamaǵa engizilgen tolyqtyrýlar men túzetýlerdiń arqasynda aýyl ákimderiniń saılaýyna túskisi keletin úmitkerge óz-ózin usyný múmkindigi berilgen bolatyn. Osy múmkindikti bul jolǵy saılaýda 1419 adam paıdalanyp otyr.
878 úmitkerdi Ádilet mınıstrliginiń tirkeýinde bar 6 saıası partııa usynǵan.
Er úmitkerlerdiń sany –1839. Solarmen birge 458 áıel úmitker baǵyn synaǵaly otyr.
Daýys berý proesiniń ádil ótýin «Partııalyq emes baqylaýshylar ortalyǵy» respýblıkalyq qoǵamdyq birlestigi qadaǵalaıtyn bolady.
Búgingi saılaý 14 oblys boıynsha 1847 saılaý ýchaskesinde ótedi.
Aqparat Egemen.kz saıtynan alyndy
