Bügın täuelsız elımızdıŋ tarihynda alǧaş ret auyl, kent, auyldyq okrug jäne audandyq maŋyzdaǧy qala äkımderınıŋ sailauy ötedı, dep Egemen.kz-ke sılteme jasai otyryp "Adyrna" ūlttyq portaly habarlaidy.
Bügın 730 eldı mekennıŋ äkımı sondaǧy tūrǧyndardyŋ tıkelei dauys beruı arqyly anyqtalmaq.
2021 jyldan bastap auyl äkımderınıŋ sailauyn ötkızu turaly Prezidenttıŋ «Jaŋa jaǧdaidaǧy Qazaqstan: ıs-qimyl kezeŋı» atty Joldauynda tapsyrma berılgen bolatyn.
Aumaqtyq sailau komissiialarynyŋ mälımetı boiynşa osy 730 sailau okrugınde 2582 kandidat ūsynylǧan. Solardyŋ 2297-ı tırkeuden ötken. Kandidattardyŋ basym bölıgı – öz-özın ūsynuşylar. Sailau turaly zaŋnamaǧa engızılgen tolyqtyrular men tüzetulerdıŋ arqasynda auyl äkımderınıŋ sailauyna tüskısı keletın ümıtkerge öz-özın ūsynu mümkındıgı berılgen bolatyn. Osy mümkındıktı būl jolǧy sailauda 1419 adam paidalanyp otyr.
878 ümıtkerdı Ädılet ministrlıgınıŋ tırkeuınde bar 6 saiasi partiia ūsynǧan.
Er ümıtkerlerdıŋ sany –1839. Solarmen bırge 458 äiel ümıtker baǧyn synaǧaly otyr.
Dauys beru prosesınıŋ ädıl ötuın «Partiialyq emes baqylauşylar ortalyǧy» respublikalyq qoǧamdyq bırlestıgı qadaǧalaityn bolady.
Bügıngı sailau 14 oblys boiynşa 1847 sailau uchaskesınde ötedı.
Aqparat Egemen.kz saitynan alyndy
Ūqsas jaŋalyqtar
