Ákimder saılaýy naqty jáne aýqymdy ózgeristerge múmkindik beredi

3531
Adyrna.kz Telegram

Búgin aýyldar men aýdandyq mańyzy bar qalalardyń ákimderin saılaý ótip jatyr. Prezıdent Q.Toqaevtyń bıliktiń atqarýshy tarmaǵyndaǵy basshylardyń saılanbalylyǵyn engizý jónindegi bul reformasynyń mańyzy óte zor. Onyń ústine, atalǵan saılaý osy baǵyttaǵy alǵashqy qadam ǵana. 

Qazirdiń ózinde aýdandar men oblystyq mańyzy bar qalalar ákimderiniń saılanbalylyǵy engizilgen jyl belgilengen (2024 j.). Al onda otandyq megapolısterdi qosa alǵanda, barlyq deńgeıdegi ákimderdiń saılanbalylyǵy perspektıvalary paıda bolýda.
Sondyqtan búgingi saılaý kóbinese bıliktiń osy júıeli ózgeristerge qatynasynyń qozǵaýshy kúshi bolady dep sanaımyn. Taıaýda Májiliste saılaý týraly zańnamaǵa túzetýlerdi talqylaý barysynda biz ákimderdi saılaý rásimderiniń osy bastamanyń damýyna yqpal etýiniń qajetti mehanızmin jasaýǵa tyrystyq.
Sonymen birge keıbir jaǵdaılarda aımaqtyq saılaý komıssııalary búgingi saılaýdyń ashyqtyǵy men básekelestik deńgeıine ádeıi nuqsan keltirip jatqanyn baıqaýdamyz.
Ótken aptalarda Ortalyq saılaý komıssııasyna «Aq jol» demokratııalyq partııasynyń kandıdattaryna jergilikti jerlerde jasalǵan shekteýler týraly birqatar hattar jiberdim, alaıda qanaǵattanarlyq jaýap ta joq, qoıylǵan máseleler de sheshilgen joq.
Búgin bizdiń baqylaýshylarymyz daýys berý barysynda oryn alǵan buzýshylyqtardy anyqtap jatyr. Osyǵan baılanysty partııanyń ortalyq keńsesiniń otyrysyn ótkizdim, ol saılaý barysyn qadaǵalap, fılıaldardyń jumysyn úılestiredi.
Osy naýqannyń qorytyndysy boıynsha ýákiletti organdarǵa úndeýler men zańnamaǵa usynystar jyldyń daıyndaımyz. Soǵan qaramastan, atqarýshy bılikti saılaýdyń alǵashqy tájirıbesiniń mańyzy úlken. Meniń oıymsha, ol qoǵam men memlekettik organdar arasyndaǵy qarym-qatynasta naqty jáne aýqymdy ózgeristerge múmkindik beredi. Keıbir jergilikti saılaý komıssııalary muny túsinbeıtini (nemese túsingisi kelmeıdi me?) óte ókinishti. Bul básekelestikti shektep qana qoımaı, sonymen qatar naýqandy jekelegen aýyldar men qalalardyń aýqymyna deıin tómendetýde.
Saılaý barysyn baqylaý jumystaryn jalǵastyra beremiz.

 

Azat PERÝAShEV,

"Aq jol" partııasynyń tóraǵasy.

Pikirler
Basqa materıaldar