Qazgıdromet 1 shilde, dúısenbi kúnge arnalǵan boljamdy jarııalady. Sınoptıkterdiń boljaýynsha, bul kúni Qazaqstannyń basym bóliginde jańbyr jaýady, - dep habarlaıdy “Adyrna” ulttyq portaly.
Boljamǵa sáıkes, ıklon jáne onymen baılanysty atmosferalyq frontaldy ýchaskeler elimizdiń basym bóliginde turaqsyz aýa raıy rejımin saqtaıtyny aıtyldy.
«Qazaqstannyń soltústik-batysynda jáne soltústiginde jańbyr jaýady, kún kúrkireıdi, burshaq jaýýy múmkin, tek batysta jaýyn-shashynsyz aýa raıy boljamy kútiledi», - delingen habarlamada.
Respýblıka boıynsha jel kúsheıedi, túnde jáne tańerteń ońtústikte shańdy daýyl, soltústik-batysta tuman kútiledi.
Qaraǵandy, Pavlodar, Abaı, Jetisý oblystarynda, Ulytaý oblysynyń soltústiginde, Aqmolanyń batysynda, ońtústiginde, shyǵysynda, Shyǵys Qazaqstan oblystarynyń batysynda, soltústiginde joǵary órt qaýpi saqtalady.
Túrkistan, Jambyl, Qyzylorda, Almaty oblystarynda, Ulytaý oblysynda, Qostanaı, Shyǵys Qazaqstan oblystarynyń ońtústiginde jáne Abaı oblysynda, Jetisý oblysynyń soltústiginde, shyǵysynda, Atyraý oblysynyń batysynda, ońtústik-shyǵysynda óte joǵary órt qaýpi saqtalady.
