Amerikalyq QuantumScape kompaniiasy oilap tapqan 2021 jylǧy jaŋa tehnologiia - litii-metall batareiasy elektromobilderdı quattauǧa arnalǧan qūrylǧy. Erekşe separator men anodtyŋ arqasynda batareia quat qorymen, jyldam quattauymen, qyzmet etu merzımımen, qūny jäne qauıpsızdıgımen erekşelenedı.
Mamandardyŋ aituynşa, mūndai batareialar quat qoryn 560-tan 1000 şaqyrymǧa deiın arttyrady. Ärı elektromobilderdı jyldam quattauǧa mümkındık beredı. Mäselen, osyndai batareiamen kölıktı 15 minutta 80% quattauǧa bolady. Al quat qory ekı ese artady. Sonymen bırge 800-den artyq siklden keiın özınıŋ 80% dai syiymdylyǧynyŋ saqtaidy. Būl ortaşa eseppen 386,000 km jürıske teŋ (şamamen 14-16 jyl avtomobildı qalypty paidalanu).
Batareianyŋ taǧy bır jetıstıgı - onyŋ jeke anodsyz şyǧaryluynda. Ol quattalǧan kezde katodtaǧy litii iondary separator arqyly qozǧalady. Olardyŋ arasynda jäne elektrlı bailanysta tegıs qabat jasaidy. Osydan keiın quattalu barysynda şamamen barlyq iondar katodqa oralady. Mūndai qūrylys batareianyŋ massasyn, kölemın, qūnyn tömendetedı.
QuantumScape kompaniiasy 2020 jyly batareiany alǧaşqy synaqtardan ötkızdı. Sättı synaqtardan keiın nemıs avtomobil markasy - Volkswagen-men mämılege keldı. Kelısımge säikes atalǧan marka 2025 jyly litii-metall batareialary bar elektromobilder şyǧara bastaidy.
Naǧima Sahan
Ūqsas jaŋalyqtar
