Atyraý oblysynda bir top óner adamy Atyraý oblysy ákiminiń Alǵys hatymen marapattaldy.
Osynaý saltanatty jıynda sóz sóılegen oblys ákiminiń orynbasary Baqytgúl Hamenova aımaq basshysy Mahambet Dosmuhambetovtyń quttyqtaýy men izgi tilegin jetkizdi.
Memlekettiń abyroıly bolýy – ondaǵy halyq janynyń izgi bolýynda. Sol izgilikti jasaıtyn qasıetti óner. Adamzattyń rýhy, tereń tarıhy, dili men dini, tili men maqsat-muraty o bastan mádenıetpen bite qaınasqan. Qoǵamda orny bólek óner adamdaryn qarapaıym buqaranyń tóbesine kóteretini de osy sebepten. Ulttyq ónerimiz ben mádenı muramyzdy nasıhattap, halyqqa estetıkalyq lázzat syılaıtyn óner maıtalmandary – sizder aman bolyńyzdar! – dedi ol.
Óz kezeginde oblystyq mádenıet, arhıvter jáne qujattama basqarmasynyń basshysy Aqylbek Rysqalıev sóz alyp, kásibı merekede tamasha kóńil kúı syılaǵan oblys basshylyǵyna atyraýlyq barsha óner adamy atynan alǵys aıtty.
