اتىراۋ وبلىسىندا ءبىر توپ ونەر ادامى اتىراۋ وبلىسى اكىمىنىڭ العىس حاتىمەن ماراپاتتالدى.
وسىناۋ سالتاناتتى جيىندا ءسوز سويلەگەن وبلىس اكىمىنىڭ ورىنباسارى باقىتگۇل حامەنوۆا ايماق باسشىسى ماحامبەت دوسمۇحامبەتوۆتىڭ قۇتتىقتاۋى مەن ىزگى تىلەگىن جەتكىزدى.
مەملەكەتتىڭ ابىرويلى بولۋى – ونداعى حالىق جانىنىڭ ىزگى بولۋىندا. سول ىزگىلىكتى جاسايتىن قاسيەتتى ونەر. ادامزاتتىڭ رۋحى، تەرەڭ تاريحى، ءدىلى مەن ءدىنى، ءتىلى مەن ماقسات-مۇراتى و باستان مادەنيەتپەن بىتە قايناسقان. قوعامدا ورنى بولەك ونەر ادامدارىن قاراپايىم بۇقارانىڭ توبەسىنە كوتەرەتىنى دە وسى سەبەپتەن. ۇلتتىق ونەرىمىز بەن مادەني مۇرامىزدى ناسيحاتتاپ، حالىققا ەستەتيكالىق ءلاززات سىيلايتىن ونەر مايتالماندارى – سىزدەر امان بولىڭىزدار! – دەدى ول.
ءوز كەزەگىندە وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى اقىلبەك رىسقاليەۆ ءسوز الىپ، كاسىبي مەرەكەدە تاماشا كوڭىل كۇي سىيلاعان وبلىس باسشىلىعىنا اتىراۋلىق بارشا ونەر ادامى اتىنان العىس ايتتى.
