Almatydaǧy «Radio üiı» ǧimaratynda «Şalqar» radiosynyŋ tolyq jöndeuden ötken jaŋa studiiasy saltanatty türde aşyldy. Jaŋa studiiaǧa qazaqtyŋ tūŋǧyş radiodiktory, Qazaq radiosynyŋ ardagerı, KSRO-nyŋ qūrmettı radisı, Qazaq KSR-nıŋ eŋbek sıŋırgen mädeniet qairatkerı Mina Seiıtovanyŋ esımı berıldı.
Saltanatty şaraǧa radio salasynyŋ ardagerlerı, qazırgı qyzmetkerlerı jäne būqaralyq aqparat qūraldarynyŋ ökılderı qatysty. Studiianyŋ tūsaukeser räsımınde Ruslana Qūdaibergenova, Sauyq Jaqanova, Altyn İmanbaeva syndy radionyŋ bırqatar aǧa buyn ökılderı söz söilep, būl bastamanyŋ maŋyzdylyǧyn atap öttı.
Jaŋa studiia «Şalqar» radiosynyŋ 60 jyldyq mereitoiy aiasynda, talai diktorǧa tälım bergen ūstaz, radio önerınıŋ körnektı ökılı Mina Seiıtovanyŋ jarqyn esımın ūlyqtau maqsatynda aşyldy.
Bügınnen bastap jaŋa studiiadan «Şalqar» radiosynyŋ tıkelei efirdegı onnan astam baǧdarlamasy tyŋdarmanǧa jol tartady. Zamanaui ülgıde jabdyqtalǧan studiia qabyrǧasyna Mina Seiıtovanyŋ portretı ornalastyrylyp, intererde Astana men Almaty qalalarynyŋ körıktı jerlerı beinelengen.
Mina Seiıtova 1919 jyly 20 tamyzda Qostanai oblysy Qarabalyq audanynyŋ №9 auylynda düniege kelgen. Ol 1934 jyly nebärı 15 jasynda Qazaq radiosyna qyzmetke qabyldandy.
Ekınşı düniejüzılık soǧys jyldary Mäskeuden taraǧan resmi aqparattardy KSRO halyqtaryna Iýrii Levitan jetkızse, qazaq dalasyna soǧys habarlaryn Mina Seiıtovanyŋ ünı jetkızdı.
Ol mikrofon aldynda 44 jyl qyzmet etıp, radio salasynda bırneşe buyn diktor men mädeniet qairatkerlerın tärbieledı. Onyŋ şäkırtterınıŋ qatarynda Qazaq KSR-ınıŋ halyq ärtısı Änuarbek Baijanbaev, KSRO halyq ärtısı Ermek Serkebaev, Qazaq KSR-ınıŋ halyq ärtısı Zämzagül Şärıpova, aqyn Mūqaǧali Maqataev, KSRO halyq ärtısı Bibıgül Tölegenova, diktorlar Mambet Serjanov, Gennadii Mariuhin, Qazaqstannyŋ eŋbek sıŋırgen qairatkerı Sauyq Jaqanova jäne basqa da tanymal tūlǧalar bar.
Qazaqtyŋ tūŋǧyş diktory Mina Seiıtova eŋbek jolynda bırneşe joǧary memlekettık nagradalarmen marapattalǧan. 1978 jyly qūrmettı demalysqa şyǧyp, 1987 jyly dünieden öttı.
