Foto: Shutterstock
12 nauryzdan bastap Almatydaǧy jol polisiiasynyŋ avtomatty baqylau kameralary qosymşa jol erejesın būzu türlerın tırkeuge kırısedı, dep habarlaidy "Adyrna".
Almaty PD äkımşılık polisiia basqarmasynyŋ bastyǧy Serık Şumaevtıŋ aituynşa, būǧan deiın avtomatty jüieler alty negızgı qūqyq būzuşylyqty tırkeitın: jyldamdyqty asyru, qyzyl şamda ötu, jol belgılerı men syzyqtaryn saqtamau, dūrys toqtamau nemese tūraqtamau, alǧa şyǧu erejesın būzu jäne jaiau jürgınşılerge jol bermeu.
Endı kameralar jaŋa mümkındıkterge ie bolady. Jüieler mobildı telefondy paidalanudy, qauıpsızdık beldıgın taqpai kölık basqarudy jäne qūjattarǧa bailanysty qūqyq būzuşylyqtardy, sonyŋ ışınde mındettı saqtandyrudyŋ joqtyǧy nemese tehnikalyq qaraudyŋ merzımınıŋ ötuın avtomatty türde tırkei alady. Keibır jaǧdailarda eskertu de avtomatty türde räsımdeledı.
Polisiianyŋ habarlauynşa, jaŋa tehnologiialardy engızudıŋ basty maqsaty - profilaktikalyq sipatta bolyp, joldaǧy tärtıptı arttyru jäne Almaty tūrǧyndary men qonaqtarynyŋ qauıpsızdıgın qamtamasyz etu.
