Almaty oblysynda sifrlyq tehnologiianyŋ mümkındıkterın körsetken erekşe dron-şou öttı. 500-den astam dron Qonaev qalasynyŋ kögınde qalyqtap, körermenderge äserlı jaryq kompozisiialaryn ūsyndy. Aspanda Qazaqstan kartasy beinelengen sätte jinalǧan jūrt erekşe quanyşyn jasyra almady.
Odan bölek, şou barysynda ūlttyq qūndylyqtardy aişyqtaityn, qazaq halqy üşın bereke men bırlıktıŋ belgısı sanalatyn şaŋyraq beinesı, köktem men jaŋarudyŋ nyşany – qyzǧaldaq gülı men Digital Nauryz, «Nauryz qūtty bolsyn!» degen merekelık jazu beinelendı. Drondar arqyly «Qazaqstan», «Almaty oblysy» degen jazular da paida boldy. Būl öŋırdıŋ el damuyndaǧy orny men maŋyzyn bıldıretın simvoldyq körınıske ainaldy.
Şou barysynda el ömırındegı maŋyzdy saiasi oqiǧaǧa arnalǧan kompozisiialar da ūsynyldy. Aspanda «15 nauryz – referendum» jäne «Jaŋa Konstitusiia» degen jazular paida bolyp, aldaǧy respublikalyq referendumnyŋ mänı men maŋyzyn jetkızdı. Sonymen qatar dauys beru belgısı beinelenıp, azamattyq jauapkerşılık pen ärbır azamattyŋ öz taŋdauyn jasau qūqyǧy simvoldyq türde körsetıldı.
Dron-şoudy tamaşalauǧa 5000-nan astam körermen jinaldy, olardyŋ qatarynda Almaty oblysy äkımınıŋ orynbasary Ǧani Mailybaev, koalisiia müşelerı, ziialy qauym ökılderı de boldy. Jinalǧan köpşılık aldynda Almaty oblystyq Ardagerler keŋesınıŋ töraǧasy Erbolat Tūrymbetov pen Almaty oblystyq Qoǧamdyq keŋesınıŋ töraǧasy Qazybek Dautaliev söz söilep, oblys halqyn referendumǧa belsendı qatysuǧa şaqyrdy.
«15 nauryz künı är azamat öz taŋdauyn jasaidy. Būl – jastardyŋ Konstitusiiasy. Öitkenı onda jastardyŋ damuyna, tūlǧa retınde qalyptasuyna jäne el ekonomikasynyŋ ılgerıleuıne basymdyq berılgen. Ärqaisymyz öz dauysymyzdy berıp, referendumǧa qatysaiyq», – dedı Erbolat Tūrymbetov.
Qazybek Dautaliev öz sözınde qazırgı Konstitusiianyŋ el damuyna 30 jyl qyzmet etkenın atap ötıp, jaŋa qūjattyŋ maŋyzdylyǧyna toqtaldy.
«Qazaqstannyŋ qoldanystaǧy Konstitusiiasy halyqqa 30 jyl qyzmet ettı. Bügın bız egemen el retınde jaŋa maŋyzdy qūjatty qabyldau mümkındıgıne ie bolyp otyrmyz. Jaŋa Konstitusiia jobasynda eŋbek qūqyq retınde belgılengen. Iаǧni halyqty jūmyspen qamtu – memlekettıŋ maŋyzdy mındetterınıŋ bırı», – dedı ol.
Dron-şoudan keiın keş konserttık baǧdarlamamen jalǧasty. Şara barysynda qala tūrǧyndaryna respublikalyq referendum turaly aqparattyq broşiuralar taratyldy.
