«Basqa bäle tılden» dep qazaq beker aitpaǧan. Adamdy demeitın de, jebeitın de, jylatatyn da, jūbatatyn da – söz. Eger sız öz jüregıŋızdegı qūpiialaryŋyzdy özgelerge tym köp aşatyn bolsaŋyz, jeke ömırıŋızge jäne otbasylyq ömırıŋızge ziiany tiıp ketuı bek mümkın. Sondyqtan kei äŋgımelerdı, keibır syrlaryŋyzdy tıptı jaqyn adamdaryŋyzdan jasyryp qalǧanyŋyz abzal. Būl turaly «Adyrna» tılşısı tarqatyp bermek.
Balalarǧa qatysty äŋgımeler
Analar balalarynyŋ densaulyǧy turaly, mektebı jäne josparlary jönınde sūraǧanda bärın aşyp aitudyŋ qajetı joq. Ärine dörekılık tanytpau kerek. Bıraq balalaryŋyzdyŋ josparlary turaly özgelerge aityp kerek emes. Sūraǧan janǧa, jalpylama türde jauap bere salǧanyŋyz dūrys.
Ezoterikter (ışkı tabiǧaty bır jandar) öz nūsqalaryn ūsyndy. Eger sızden balalaryŋyz turaly aqparatty sūraǧan adam sızdıŋ jaqynyŋyz bolsa, onda oǧan dörekılık tanytpai jai ǧana taqyrypty özınıŋ balalaryna nemese jeke ömırıne qatysty arnaǧa būrǧanyŋyz jön. Mysaly: «bızdıkıler jaqsy, aqyryndap ösıp jatyr ǧoi, özıŋde qalai?», dep.
Al eger äŋgımelesıp jatqan adamyŋyz balalaryna qatysty köptegen mäselelerın aita bastasa, äŋgımenı jūmsartyp körıŋız. Eşqaşan onyŋ balalaryna tıl tigızbeŋız. Balalaryn qosa söger bolsaŋyz, onda onyŋ berıp jatqan tärbiesın de qūptamaǧandai boluyŋyz mümkın. Odan soŋ sızdıŋ tarapyŋyzǧa türlı negativter aityluy da ǧajap emes.
Qyzdar arasynda qarym-qatynas turaly
Jıgıt pen qyz arasyndaǧy mahabbat turaly, sol ekı keiıpkerden özge eşkım bılmegenı nūr üstıne nūr. Arada mäseleler, bır-bırıne ūnamaityn tūstar, ūrysular, tüsınıspeuşılıkter tuyndaǧan jaǧdaida ony üşınşı bır adam kelıp tüzete almaityny anyq.
Ötken nemese däl qazır oryn alyp jatqan qarym-qatynasta jıgıtıŋızdı/qyzyŋyzdy jamandap, jaǧymsyz jaqtaryn basqa adamǧa, tıptı jaqynyŋyzǧa aitu arqyly sız öz talǧamyŋyzdy tömendetıp, özıŋızdıŋ qadırıŋızdı de ketıresız. Ekınşı jartyŋyz mınsız jan bolmasa da, ol turaly qūrbyŋyzǧa, dosyŋyzǧa, anaŋyzǧa, äpkeŋızge, ūjymdasyŋyzǧa da tıs jarmaŋyz.
Bırınşıden, sız jaqyn qarym-qatynasta bolǧan adamyŋyzdy jamandau arqyly sız özıŋızdı de baiqamastan qorlauyŋyz mümkın. Ekınşıden, sız sözsız ösekşılerdıŋ basty äŋgımesıne qalasyz. Sız jaqynym dep syr şertken jandardyŋ qaisybıreuı bolmasyn qūpiiaŋyzdy özgelerge aityp qoimasyna kım kepıl?! Üşınşıden, qarym-qatynasta jolyŋyz bolmaǧanyn bılgen bäz bıreuler sız jamandaǧan ekınşı jartyŋyzǧa köz saluy mümkın.
Özgenıŋ qūpiiasynan aulaq bolyŋyz
Öz qūpiiaŋyzdy bögde qūlaqqa aitudyŋ qajetsız ekendıgı sekıldı, sız de özgenıŋ qūpiiasynan aulaq boluyŋyz kerek. Olardy bılgennen keiın sız ärqaşan bıreumen jaŋalyqtar bölıskıŋız keledı. Eger künderdıŋ künınde aŋdausyzda bıreudıŋ sızge aitqan qūpiiasynyŋ basy aşylyp qalar bolsa, onda ony üşınşı adamnan jasyryp qalu, tıptı qiynǧa soǧady.
Qoǧamda ösekşılerdı qūrmettemeidı, olarmen sirek aralasyp, ädette adamdar olardan aulaq bolady. Ösekteudıŋ tübı, jaqyn adamdaryŋyzdyŋ bırımen sözge kelıp, ūryspen de aiaqtaluy bek mümkın. Sondyqtan, eger sızdıŋ dos qyzyŋyzdyŋ nemese tuysqandaryŋyzdyŋ bıreuı sızge basqa adamdy ǧaibattai bastasa, taqyrypty özgertıp, özgenıŋ syryn bıluden jaltarǧanyŋyz dūrys bolady.
Senımdı adam jäne syily dos retınde bedelge ie bolu qiyn jäne jauapty qadam. Bıraq sız sol qasyqtap jinaǧan abyroiyŋyzdy, bedelıŋızdı bır-aq sätte joǧaltuyŋyz ǧajap emes. «Aŋdamai söilegen, auyrmai öledı» degendei , özge adamdarmen äŋgımeleskende, söileskende, syr şertıskende är sözıŋızge mūqiiat bolyŋyz.
«Adyrna» ūlttyq portaly
Ūqsas jaŋalyqtar
