Iran International telearnasy İran prezidentı Masud Pezeşkiannyŋ eldıŋ joǧarǧy köşbasşysy Modjtaba Hameneidıŋ atyna otstavkaǧa ketu turaly ötınış jazǧanyn mälımdedı. Tegeran būl aqparatty joqqa şyǧardy dep habarlaidy «Adyrna» tılşısı RBK-ǧa sılteme jasap.
Telearna būl mälımettı jaǧdaidan habardar derekközderge süiene otyryp jariialaǧan. Habarlamaǧa säikes, Pezeşkian hatynda eldı basqaru resmi memlekettık instituttardyŋ şeŋberınen şyǧyp ketkenın jäne bilıktıŋ negızgı tetıkterı tolyqtai İslam revoliusiiasy saqşylary korpusy (İRSK) qūramyndaǧy belgılı bır qolbasşylar tobynyŋ baqylauyna ötkenın eskertken. Onyŋ aituynşa, İRSK yqpalynyŋ küşeiuı saldarynan prezident pen ükımet maŋyzdy şeşımder qabyldau prosesınen şettetılgen. Sondyqtan mūndai jaǧdaida ükımettı basqaru jäne zaŋmen jüktelgen mındetterdı oryndau mümkın emes ekenın aityp, şūǧyl türde otstavkaǧa jıberudı sūraǧan.
Sondai-aq telearna İRSK prezident äkımşılıgınıŋ ökılettıkterın bırtındep qysqartyp, ıs jüzınde bilıktıŋ negızgı sektorlaryn öz baqylauyna alǧanyn habarlady. Būl jaǧdai Pezeşkian ükımetın saiasi tyǧyryqqa tırep, AQŞ-pen aradaǧy şielenıstı retteuge baǧyttalǧan diplomatiialyq qadamdardy jüzege asyruǧa kedergı keltırgenı aitylǧan.
İran prezidentı äkımşılıgınıŋ kommunikasiialar jönındegı bölım basşysynyŋ orynbasary Mehdi Tabatabai X äleumettık jelısınde būl aqparatty joqqa şyǧardy.
«Şeteldık aqparattyq jelı taratqan qauesetter – būrynnan kele jatqan maǧynasyz aqparattyq oiyndardyŋ jalǧasy. Olar şyndyqtyŋ ornyna özderınıŋ qalauyn jariialady. Prezident halyqqa qyzmet etuden bas tartpaidy, däl sol siiaqty İran halqy da bırlık pen qarsylyq jolynan taimaidy», – dep jazdy ol.
Öz kezegınde İran ükımetı janyndaǧy aqparattyq saiasat jönındegı keŋes töraǧasy Elias Hazrati da Pezeşkiannyŋ otstavkasy turaly mälımettı terıske şyǧardy.
«Keibır şeteldık būqaralyq aqparat qūraldary men olarmen bailanysty jelıler taǧy da prezidenttıŋ qyzmetınen ketuı turaly qauesetterdı taratty. Būl aqparattyŋ şyndyqqa eş qatysy joq jäne būǧan deiın bırneşe ret joqqa şyǧarylǧan», – dedı ol.
Iran International jariialanymynan keiın İran ükımetınıŋ resmi ökılı Fatime Mohedjerani de X jelısınde Pezeşkian kabinetı «eldegı mäselelerdı şeşu baǧytyndaǧy jūmysyn jalǧastyryp jatqanyn» jazdy.
Pezeşkian İran prezidentı bolyp 2024 jyldyŋ şılde aiynda sailanǧan.
