Belarýs prezıdenti Aleksandr Lýkashenko toǵyz eldiń elshilerine senim gramotalaryn tapsyrý kezinde Qazaqstandy “dos ári odaqtas” dep atady, dep habarlaıdy “Adyrna” ulttyq portaly «Pervyı ınformaıonnyı» telearnasyna siltep.
«Qazaqstan – biz úshin mańyzdy, ýaqyt synynan ótken dos, strategııalyq seriktes jáne odaqtas. Búginde eki eldiń ortaq múddesi joq sala is júzinde joq. Yntymaqtastyqtyń joǵary dınamıkasyn jyl saıynǵy mıllıard dollarlyq taýar aınalymy men ónerkásiptik kooperaııadaǵy tabysty jobalar dáleldeıdi», - dedi Lýkashenko.
Belarýs Prezıdenti Qazaqstan Prezıdenti Toqaevqa Qazaqstannyń Shanhaı yntymaqtastyq uıymyna tóraǵalyǵy kezinde elge kórsetilgen jan-jaqty qoldaýy úshin alǵys aıtty.
Eske salaıyq, tamyz aıynda Belarýs prezıdenti Aleksandr Lýkashenko «Rossııa 1» telearnasyna bergen suhbatynda:
«Biz keıbir postkeńestik memleketterimiz sııaqty ábigerge túsip jatqan joqpyz. Olar Reseıden birdeńe alǵylary keledi, biraq onyń ornyna eshteńe bermeıdi. Bulaı jumys istemeıdi. Birge bolaıyq! Sol Reseıge kelip, qoldaý, kómek suraıtyn ýaqyt alys emes», – degen bolatyn.
Osydan keıin Qazaqstannyń Syrtqy ister mınıstrligi Belarýs elshisi Pavel Ýtıýpındi shaqyrǵan edi. Mınıstr Murat Nurtileý Qazaqstannyń BUU Jarǵysy men halyqaralyq quqyqtyń negizgi normalaryna sáıkes teńgerimdi jáne beıbitshil syrtqy saıasat júrgizip jatqanyn ataǵan.
«Bizdiń elimiz memleketter arasyndaǵy barlyq kelispeýshilikter saıası jáne dıplomatııalyq jolmen sheshilýi tıis ekenine nyq senimdi. Qazirgi geosaıası jaǵdaıda Memleket basshysy ázirlegen elimizdiń syrtqy saıası baǵyty óziniń tıimdiligin kórsetti. Osyǵan baılanysty mınıstr belarýs tarapyn Astananyń bolyp jatqan úderisterge qatysty ustanymyn obektıvti baǵalaýǵa shaqyrdy», - degen Qazaqstan Respýblıkasy Syrtqy ister mınıstrliginiń baspasóz qyzmeti.
