QR ulttyq mýzeıiniń dırektory Arystanbek Muhamedıuly jaqyn aralasatyn dosy Ispanııanyń ataqty opera ánshisi Plasıdo Domıngonyń koronavırýs juqtyrǵanyn aıtty, dep jazady baq.kz.
Dostarym, biz qazir koronovırýs indetine baılanysty karantınde otyrmyz. Elimizdiń dosy sanalatyn dańqty ánshi Plasıdo Domıngonyń da osy dertke ushyraǵanyn bilesizder. Ekeýimizdi jaı ǵana dostar emes, 2017 jyly ótkizgen álemdik opera ónerindegi eń mártebeli ári bedeldi baıqaý sanalatyn búkilálemdik "Plasıdo Domıngo operalııasy" atty mańyzdy joba da baılanystyryp tur. Onyń arqasynda sol kezde elimizge "Operalııanyń" qazylar alqasynyń quramyna kirgen eń yqpaldy ári bedeldi óner qaıratkerleri keldi. Al metr Plasıdo Domıngo zor senim bildirip, baıqaýǵa jubaıyn, balalary men nemerelerin ertip ákeldi, - deıdi Arystanbek Muhamedıuly.
Onyń aıtýynsha, sol kezde bul baıqaýdy ótkizýge bıýdjetten shyǵyn shyqpaǵan. Baıqaýdy ótkizýdiń qarjylaı qamtamasyz etý máselesin "Operalııanyń" demeýshisi – shveıarııalyq saǵat kompanııasy Rolex ózi kótergen.
Eger buryn Qazaqstan ártúrli halyqaralyq sharalar ótkizý úshin eleýli deńgeıde qarjylaı qarajat bóletin bolsa, bul joly biz alǵash ret álemdik deńgeıdegi keremet baıqaýlardyń biriniń ótkizilýin uıymdastyryp qana qoımaı, aıtarlyqtaı deńgeıde shetelden qarajat ta tarta aldyq. Vokaldy baıqaý elimizdiń halyqaralyq arenada jaǵymdy bedelin qalyptastyrýǵa da mol múmkindikter berdi. Álemniń jetekshi opera teatrlarymen yntymaqtastyq jasaı otyryp biz shoǵyrlanǵan mádenı úrdistiń bóligine aınaldyq. Qazaqstanda bedeldi "Plasıdo Domıngo operalııasy" vokaldy baıqaýyn ótkizý – bul bıik óner salasyndaǵy elimizdiń jetistikterine kórsetilgen qurmet, - deıdi ulttyq mýzeıdiń dırektory.
Maestro Plasıdo Domıngo búginde de qazaqstandyq opera juldyzdaryna ǵana emes, sol sııaqty balet artısterine de qoldaý kórsetip otyr eken.
2018 jyly "Astana Operanyń" balet toby ánshiniń otany Valensııadaǵy Sofııa hanshaıymnyń Óner saraıynyń sahnasynda óziniń shaqyrýymen zor tabyspen óner kórsetken.
Eks-mádenıet mınıstri opera ánshisi Plasıdo Domıngo men jary Marta Domıngonyń úılenýlerine baılanysty mereı toıǵa qalaı shaqyrylǵan qonaq bolǵanynyn da eske túsirdi.
Osy tamasha mereke otbasynyń ortasynda shyn yqylasty jaǵdaıda ótken edi. Men álemdik opera óneriniń metrine syılyq retinde ózimizdiń qazaqtyń shapanyn bar yqylasymmen ıyǵyna japqan kezde, ol ony súısine qabyldaǵan edi. Maestro bizdiń babalar dástúrin ǵasyrlar qoınaýynan alyp shyǵyp saqtap otyrǵanymyzǵa tánti boldy. Ánshige bizdiń ejelgi dástúrimiz qatty unap, oǵan zor qurmetpen qarady. Sol keshte Plasıdo men Marta Domıngony úlken uly Hose Domıngo jubaıy Marılý Domıngo men qyzy Nıkolmen jáne kishi uly Alvaro Domıngo uldary Plasıdo jáne Alvaromen quttyqtaýǵa keldi. Osy úlken tatý otbasynyń barlyq múshelerine qazaq ulttyq taǵamdary qatty unady. Maestronyń ózi Qazaqstan, elordamyz týraly, eń bastysy bizdiń adamdar týraly súıine madaqtady! Qazaq halqynyń qonaqjaılylyǵy men aq peıildiligi Plasıdo Domıngony tebirentip jiberdi. Óz atymnan jáne Plasıdo Domıngonyń shyǵarmashylyǵynyń barlyq qazaqstandyq bas ııýshileri atynan oǵan zor densaýlyq jáne tezirek saýyǵyp ketýin tileımin! Bizdiń dostyǵymyz ben yntymaqtastyǵymyz sózsiz jalǵasyn tabady. Tezirek saýyǵyp ketińiz, - deıdi Arystanbek Muhamedıuly.
