Everesttı baǧyndyrǧan alǧaşqy auǧan äielı, Avstraliiada tūratyn bosqyn Zakiia Ahmad şyŋdy baǧyndyrǧannan keiın Auǧanstandaǧy äielder men qyzdardyŋ jaǧdaiyna qoǧam nazaryn audaru jäne qarajat jinau jūmystaryn küşeittı, dep habarlaidy «Adyrna» tılşısı fergana.news-ke sılteme jasap.
Ol älem jūrtşylyǧyn tälıpter bilıkke qaita kelgennen berı bes jylǧa juyq uaqyt boiy orta jäne joǧary bılım aluǧa tyiym salynǧan auǧan äielderı men qyzdaryn qoldauǧa şaqyruda.
Amu TV arnasynyŋ habarlauynşa, Zakiia Ahmad halyqaralyq qauymdastyqty «syrttan baqylap otyrmauǧa» jäne qūqyqtary jüielı türde būzylyp jatqan auǧan äielderınıŋ ünı boluǧa ündegen. Sondai-aq Germaniiany qosa alǧanda, Europadaǧy auǧan belsendılerı men diaspora ökılderı Auǧanstanda qyzdarǧa arnalǧan mektepter men joǧary oqu oryndaryn qaita aşudy talap etıp jatqanyn atap ötken.
Zakiia Ahmad jas kezınde tälıpterdıŋ şabuylynan aman qalyp, keiın bosqyn märtebesın alǧan.
Ahmadtyŋ aituynşa, onyŋ maqsaty – jeke jetıstık arqyly auǧan äielderı men qyzdaryn jıgerlendırıp qana qoimai, naqty özgerısterge qol jetkızu üşın resurstar men halyqaralyq nazardy jūmyldyru. Ol äielder qūqyqtary mäselesın bosqyndyq täjıribesımen jäne psihikalyq densaulyq taqyrybymen bailanystyryp, bılımnen aiyru, soǧys jäne mäjbürlı köşı-qon auǧan äielderınıŋ tūtas buynyna auyr psihologiialyq zardap keltırgenın atap öttı.
Eske salaiyq, alpinist älemdegı eŋ biık şyŋǧa 21 mamyr künı taŋerteŋ köterılgen. Ahmad būǧan deiın Fransiiadaǧy Monblan, Ündıstandaǧy Nandadevi şyŋdaryn jäne Auǧanstannyŋ teŋız deŋgeiınen 7402 metr biıktıktegı eŋ biık şyŋy Nauşahty da baǧyndyrǧan.
Rukhshana Media jäne Gowharshad Media mälımetınşe, ol būl ekspedisiiany auǧan qyzdarynyŋ bılım alu qūqyǧy men äielder qūqyqtaryn qorǧauǧa baǧyttalǧan ūzaqmerzımdı nauqannyŋ bır bölıgı retınde josparlaǧan. Ahmad 2025 jyldan bastap arnaiy daiyndyq jürgızıp, GoFundMe platformasynda qarajat jinau nauqanyn bastaǧan. Ol Everestke «äielderdıŋ bostandyǧy, bılım alu qūqyǧy jäne psihikalyq densaulyq üşın», sondai-aq «tälıpter bilıgı kezınde mektepke baru mümkındıgınen aiyrylǧan Auǧanstan qyzdarynyŋ atynan» köterılıp jatqanyn mälımdegen.
