Djordjiia tehnologiialyq institutynyŋ (AQŞ) ǧalymdary adamnyŋ közınıŋ qaraşyǧynyŋ kölemı men onyŋ tanymdyq qabıletterınıŋ arasyndaǧy tyǧyz bailanysty anyqtady.
Adamnyŋ közınıŋ qaraşyǧy tek jaryqqa nemese köruge ǧana jauap bermeidı, deidı mamandar, Scientific American maqalasynda. Qaraşyqtyŋ kölemı tolqudy, qyzyǧuşylyqty nemese aqyl-oidyŋ sarqyluyn da bıldıredı eken. Közdıŋ qaraşyǧynyŋ keŋeiuı men taryluy FBR-dıŋ jūmystarynda da kerekke jarapty. Osy arqyly AQŞ-tyŋ FBR qyzmetı talai ıstıŋ şeşımın tauyp jatyr eken.
Zertteu jūmystary qaraşyqtyŋ kölemı aqyl-oidaǧy prosestermen de tyǧyz bailanysty ekenın körsettı. Qaraşyqtar neǧūrlym ülken bolsa, adamnyŋ intellektsı soǧūrlym joǧary bolady.
Eksperiment retındegı zertteuge 18-35 jas aralyǧyndaǧy 500-den astam adam qatysqan. Ǧalymdar är qatysuşynyŋ qaraşyǧynyŋ kölemın aitreking ädısı kömegımen ölşedı.
Sodan keiın qatysuşylarǧa intellekt, logikalyq sūraqtar, belgılı bır uaqyt aralyǧynda aqparatty este saqtau qabıletı jäne alaŋdauşylyq pen kedergılerge nazar audaru qabıletı boiynşa tanymdyq synaqtar ūsynyldy.
"Bız qaraşyqtyŋ ülken bazalyq kölemı mobildı intellektpen, zeiındı basqarumen jäne tömen deŋgeidegı jadynyŋ jūmysymen bailanysty ekenın anyqtadyq. Būl mi men közdıŋ özara tyǧyz bailanysyn körsetedı" dep otyr mamandar.
Bekbolat QARJAN,
"Adyrna" ūlttyq portaly
Ūqsas jaŋalyqtar
