Túrkistan oblysynda ózgeniń atynan nesıe rásimdegen alaıaq jigit ustaldy dep habarlaıdy "Adyrna" ulttyq portaly Polisia.kz-ke silteme jasap.
Kentaý QPB-ǵa birneshe jergilikti turǵyn aryzdanady. Jábirlenýshiniń biriniń aıtýynsha, onyń atynan belgisiz bireý onlaın-nesıe alyp, 135 myń teńge shyǵyn keltirgen. Al ekinshi aryzdanýshynyń atynan 60 myń teńge alyp, ony bankke qaryz etken. Biraz ýaqyt ótken soń bereshekteri kóbeıip, bankten habar kelgende, jábirlenýshiler tez arada tártip saqshylarynan mán-jaıdy anyqtaýǵa kómek berýlerin suraǵan. Atalǵan derekter QR QK-niń 190-baby (Alaıaqtyq) boıynsha tirkelgen.
Aryzdanýshylardyń shaǵymyna sáıkes, oryn alǵan alaıaqtyq qylmysyn ashyp, kúdiktini anyqtaý maqsatynda Kentaý QPB polıeıleri qajetti is-sharalardy júrgizdi. Tekserý jumystary nátıjesinde, polıeıler osy qylmysqa qatysty kúdiktini anyqtap, ony turǵylyqty mekenjaıynan ustady.
Alaıaqtyq jasaǵan jas jigit jábirlenýshilerdiń tanysy bolyp shyqty. Osy isti sońyna jetkizip, alaıaqtyq qylmysynyń aq-qarasyn ajyratyp, naqty dálelderdi tabýda Kentaý QPB-nyń tergeý bólimshesiniń qyzmetkerleri qarqyndy qyzmet jasady.
Tergeýshi polıııa aǵa leıtenanty Aıdos Alpysbaı bylaı deıdi:
– Anyqtalǵandaı, kúdikti azamat tanystaryna habarlasyp, olardyń banktik kártishkeleriniń nómirlerin suraǵan. “Bireý aqsha salatyn edi” degen syltaýmen jábirlenýshilerdiń naqty málimetterin alǵan alaıaq, odan ary óz aram oıyn júzege asyrǵan. Jábirlenýshilerdiń atynan bankke suranys jiberip, maquldaý alǵan. Sodan shaǵymdanýshylardyń esepshotyna túsken aqshany ózine aýdartyp alady. Kúdikti óz kinásin tolyq moıyndady. Sotqa deıingi tergeý amaldary júrgizilip, jınaqtalǵan is-qujattary aıyptaý aktisimen sotqa joldandy.
Polıeıler ózge azamattarǵa ózińizge qatysty jeke, qupııa sandardy eshkimge bermeý kerektigin eskertedi. Banktik kartochkalaryńyz ben jeke kýáligińizge, jalpy qujattaryńyzǵa uqypty bolyńyzdar. Eger osyndaı ınternet-alaıaqtyǵynyń kýási nemese qurbany bolsańyz, tez arada polıııanyń “102” telefonyna habarlasyńyzdar.
"Adyrna" ulttyq portaly.
