Almaty oblysynyŋ tūrǧyny Sūltanǧazieva Nazym Säkenqyzy alaiaqtardyŋ ailasyna tüsıp qaldy. Ol 14 mamyr künı internet dükenı arqyly tauar alamyn dep, aqşasyn audaryp aldanyp qalǧan. Jäbırlänuşı «Adyrna» ūlttyq portalyna oqiǧanyŋ män-jaiyn baiandap berdı.
“Olx internet dükenı arqyly holodilnik jarnamasyn körıp 8707 914 5842 (Aleksandr Viktorovich) nömerıne vasap jelısı arqyly habarlastym. Jazǧan habarlamamdy oqyp, ol maǧan vasap arqyly habarlasty. 75 myŋ teŋgege kelısıp, QR-nyŋ barlyq jerıne jetkızıp beretının aitty. Qūjattarymdy jıbereiın, köşıp jatqan edım, adresıŋızdı jıberıŋız dedı de qūjattaryn jıberdı. Aqşa audarsaŋyz maşina qazır şyǧady dedı de, voditeldıŋ qūjattary men qaptalǧan holodilniktıŋ suretın jıberdı. Sosyn men oǧan ol jıbergen schet nomerıne 170 dollar jıberdım. Ol maǧan habarlasyp jihazdardyŋ qymbat ekenın aityp, äielı senbei jatyr maǧan jeke kuälık jıberıŋız dedı, men oǧan jeke kuälıgımdı jıberdım. Zatty äne şyǧady, mıne şyǧady degen soŋ men senbeitınımdı aityp edım, kartochkaŋyzdy jıberıŋız, aqşaŋyzdy qaitaraiyn dedı. Men kartochkamdy jıberdım”, - deidı Nazym.
Aituynşa, oǧan äskerde jūmys ısteitının alǧa tartyp,suretı men qūjattaryn jıberıp senımıne kırgen. Alaida, “Adyrna” tılşılerınıŋ anyqtauynşa surettegı äskeri adam da jäbırlenuşı eken. Şabuyl jasauşylar onyŋ derekterın, sonyŋ ışınde fotosuretterın adamdarǧa senım ūialatu jäne olarǧa joq tauarlardy satu üşın paidalanatyn körınedı.
“Taǧy qandai zattar kerek edı, bärın bır adamǧa satqanym dūrys, tüsırıp beremın, aqşaŋyz jetpese rassrochkaǧa alyŋyz dedı de basqa jihazdardyŋ suretın jıberdı. Men taǧy da televizor, divan, stol kerektıgın aittym. Ol maǧan qanşa aqşaŋyz bar deddı, men 50000 teŋgem bar dep edım, rassrochkaǧa kelıstı. Men oǧan taǧy 116 dollar audardym, dollar arqyly audaru sebebım, ol maǧan halyq bankpen, halyqaralyq audarymmen audaruymdy ötındı. Divandy 140 myŋ, stoldy 110 myŋ, televizordy 90 myŋ dedı. Barlyǧy 340 myŋ bolady, maǧan jarty aqşasyn jıberıŋız, bärın basyp jıbere almaimyn dedı. Men taǧy 290 dollar audardym”, - dep baiandap berdı Nazym.
Sondai-aq, Aleksandr esımın jamylǧan alaiaq Nazymǧa vasap jelısı arqyly habarlasyp, şotyna 125 myŋ audarǧanyn, ony dollarǧa ainaldyryp, qaita audaruyn sūraǧan. Keiın taǧy da 60 myŋ teŋgeden 2 ret audaryp, halyqaralyq audarym arqyly jıberuın ötınıptı.
“Ol kısıge aityp edım aqşa tüspei zat jıbermeitının, voditeldı toqtatqanyn aitty. Sondyqtan amal joq küieuıme bolǧan jaidy tüsındırıp aityp, taǧy da 145 dollardan ekı ret audaryp bersek zattyŋ keletının aityp küieuımnıŋ şotynan ekı ret 145 dollar audaryp berdık. Jürgızuşı habarlasyp, erteŋ taŋerteŋgı saǧat 7:30-da bolatynnyn aitty. Ertesınde, iaǧni 15 mamyr künı saǧ 7:50da voditelge jazdym, eşqandai jauap bermedı. Aleksandr Viktorovichke 8:22- de jazyp edım, saǧ 10-dar şamasynda habarlasty da 138 dollar tüspegenın, iaǧni özı jıbergen 60 myŋ teŋgenı aitty. Men renjıp edım, telefondy qoia saldy. Bıraz uaqyttan keiın habarlasyp aqşaŋyzdyŋ bärın qaitaraiyn, 290dollardy qaşan tüsedı,sol kezde qaitaratynyn aityp, dostavkany OLX arqyly otmena jasau kerek dep, sızge barǧan habarlamadaǧy kodty aituymdy ötındı. Men oǧan kodty aitpadym. Tanystarǧa aityp ol kısı jaily bılıp beruın ötınıp edım, ol kısınıŋ moşennik ekenı belgılı boldy. Sol kezde moşennikterge aldanyp qalǧanymdy tüsındım”,- dep küiındı ol.
Keiın jıbergen kölıktıŋ jürgızuşısınıŋ nömerıne habarlassa, ol da jäbırlenuşı bolyp şyqty. Nazym alaiaqtyŋ sūrauy boiynşa, oǧan bank kartasy men qūjattarynyŋ suretterın jıbergen. Endı ol, menıŋ de suret pen qūjattarym arqyly özgelerdı aldai ma, dep qorqyp otyr. Öitkenı, alaiaq älı de internet dükenı arqyly tauarlardyŋ suretın jarnamalaudy toqtatpaǧan.
Būl turaly Nazym polisiia bölımıne aryz jazdy. Qylmystyq ıs qozǧalǧanymen, alaiaqty ūstau mümkın bolmady. Poliseiler mūndai qylmysty aşu öte qiyn ekenın aitqan.
“Adyrna” ūlttyq portaly
