Qazaqstan Ūlttyq bankı azamattardy jaŋa alaiaqtyq shemalarǧa bailanysty saq boluǧa şaqyrdy, dep habarlaidy "Adyrna" ūlttyq portaly.
Vedomstvo mälımetınşe, alaiaqtar özderın Ūlttyq bank, qūqyq qorǧau organdary, ekınşı deŋgeilı bankter nemese bailanys operatorlarynyŋ qyzmetkerı retınde tanystyruda. Jalǧan qūjattar, rekvizitter, mobildı qosymşalar jäne äleumettık jelıdegı feik paraqşalar arqyly azamattardy aldap, olardyŋ şottaryna, depozitterıne jäne onlain nesie räsımdeuge qol jetkızuge tyrysady.
«Alaiaqtar sızge SMS-kod jıberudı, kümändı sıltemelerge ötudı, belgısız qosymşalardy jükteudı sūrauy mümkın. Mūnyŋ barlyǧy sızdıŋ telefonyŋyzdaǧy jeke aqparatqa zaŋsyz qol jetkızu maqsatynda jasalady», – delıngen resmi habarlamada.
Sondai-aq, Ūlttyq bank resmi organ qyzmetkerlerınıŋ azamattarǧa audio nemese videoqoŋyrau şalmaitynyn, investisiialyq jobalarǧa qatysty ūsynystar jasamaitynyn, qarjyny saqtandyrmaidy jäne halyqpen tıkelei aqşalai esep aiyryspaitynyn habarlaǧan.
Eger alaiaqtardyŋ arbauyna tüsken bolsaŋyz, dereu qūqyq qorǧau organdaryna aryzdanu ūsynylady.
Qosymşa aqparat pen keŋes alu üşın Ūlttyq banktıŋ 1477 nömırıne habarlasuǧa bolady.
