Almatyda bank qyzmetkerlerı alaiaqqa aldanyp qalǧan, dep habarlaidy "Adyrna" tılşısı Polisia.kz-ke sıltep.
Alaiaqtar adamdardy aldau arqyly mümkındıgınşe köp aqşa tabudy közdegen. Aldanǧandardyŋ arasynda ekınşı deŋgeilı bankterdıŋ bırınıŋ qyzmetkerı de bar bolyp şyqty.
"Onyŋ messendjerıne qūqyq qorǧau organdarynyŋ ökılderı bank pen onyŋ qyzmetkerlerıne qatysty tekseru jürgızıp jatqanyn jäne ol olardyŋ naqty nūsqaularyn oryndauy kerek degen habarlamalar kele bastaǧan. Keiınırek olar kiberşabuyl bolǧanyn jäne alaiaqtyq äreketterdıŋ aldyn alu üşın barlyq qoldanystaǧy şottan aqşany alyp, sodan keiın senımdı adamdarǧa audaru qajettıgın habarlaǧan. Osy nūsqaulardy oryndaǧan äiel şotynan 4 million teŋge men 10 myŋ dollardy şeşıp alǧan. Ol aqşany kurerge berıp jıbergen", – dedı Almaty qalalyq Polisiia departamentı bastyǧynyŋ orynbasary Quatbek Nauatov.
Artynşa aqşany alyp ketken kurer ūstalǧan. Ol bankten alǧan sommany şottarǧa audaryp jıbergen. Polisiia olardyŋ ızı şetelde tabylǧanyn aitty.
Ūqsas jaŋalyqtar
