Qazaqstan Ūlttyq bankı el tūrǧyndaryna investisiialyq qyzmetpen bailanysty alaiaqtyq shemalar baryn mälımdedı, dep habarlaidy «Adyrna» ūlttyq portaly vedomstvonyŋ baspasöz qyzmetıne sılteme körsete otyryp.
Būǧan qatysty Ūlttyq bank ökılderı:«Alaiaqtar saittar men mobildı qosymşalar jasaidy, Ūlttyq banktıŋ resmi internet-resurstarynyŋ interfeisın köşıredı, sondai-aq şeneunıkterdıŋ fotosuretterın paidalanady, aqşany qaitaruǧa nemese investisiia arqyly joǧary tabys tabuǧa uäde beredı», - dep tüsındırdı.Sonymen bırge, adamdy köbırek tartu üşın özderınıŋ jalǧan saittary men mobildı qosymşalaryn äleumettık jelılerde jäne YouTube-te jarnamalaidy. Ärtürlı äleumettık platformalardaǧy jarnamalyq habarlamalarǧa auysu kezınde, özın Ūlttyq banktıŋ ökılı nemese qūqyq qorǧau organdarynyŋ qyzmetkerı dep tanystyrǧan kümändı qoŋyraular nemese elektrondy hattar alu kezınde abai bolu kerektıgın jetkızdı. Ūlttyq banktıŋ mälımetınşe, Qazaqstan Ūlttyq bankı jeke tūlǧalarǧa qyzmet körsetpeidı jäne telefon, elektrondy poşta nemese özge de bailanys qūraldary arqyly jeke mälımet sūramaidy. Aqşany qaitaru turaly aqparat jazylǧan saittarda alaiaqtyq ärekettıŋ belgılerı bar.
«Ūlttyq bank jeke tūlǧanyŋ şotyna qyzmet körsetpeidı, jeke mämıle jasamaidy. Būdan basqa, azamattardyŋ aktivterın investisiialyq basqaruǧa arnalǧan ūiymdardyŋ tızbesı Qarjy naryǧyn retteu jäne damytu agenttıgınıŋ resmi saitynda jariialanǧan, - dep atap öttı.Sondai-aq Ūlttyq bank qyzmetkerlerı mobildı qosymşalardy ornatpaudy, jeke derekterın körsetpeudı, ūialy telefonǧa qaşyqtan qol jetkızuge mümkındık bermeudı jäne telefon arqyly söilesu barysynda alynǧan nūsqaular boiynşa üşınşı tūlǧalardyŋ şottaryna aqşa audarmaudy eskerttı. Keŋes alu üşın Ūlttyq banktıŋ bailanys ortalyǧyna 1477 qysqa nömırı boiynşa habarlasuǧa bolady.
«Adyrna» ūlttyq portaly
Ūqsas jaŋalyqtar
