Qaraǧandyda qatty dauyl soqqanda oiyn alaŋşasynyŋ tösemımen qosa ūşyp ketken balaǧa bırneşe ota jasaldy, dep habarlaidy “Adyrna” Almaty.tv-ge sılteme jasap.
Osydan bırneşe kün būryn Qaraǧandy oblysynda qatty dauyl soqqan edı. Tabiǧi qūbylystyŋ saldarynan oiyn alaŋşasynyŋ tösemımen bırge kışkentai balanyŋ ūşyp ketkenı jaily habarlaǧan edık. Bügınde zardap şeguşıge bırneşe operasiia jasalyp, medisina mamandary emdeu şaralaryn qoldanyp jatyr. Būl turaly H. Maqajanov atyndaǧy Qaraǧandy oblystyq köpbeiındı auruhanasynyŋ därıgerlerı mälım ettı. Aq halattylar balanyŋ qaita qalpyna keluı turaly naqty boljam aita almaityndaryn jetkızdı.Maqajanov klinikasynyŋ mamandarynan qūralǧan muldissiplinarly toby: bet-jaqsüiek reanimatolog-hirurgı, anesteziolog, balalar ortopedı bırqatar ota jasady. Atap aitqanda bet skeletı süiekterı qalpyna keltırıldı, būdan bölek metall plastinalaryn qoldana otyryp bet süiekterıne metalloosteosintez jasaldy. Sonymen qatar bılek süiekterıne jabyq repozisiia jürgızılıp, metall spisalar salyndy, - dedı auruhana basşysy Erık Şonbaev.
Ūqsas jaŋalyqtar
#balalardyqorǧau
#auaraiy #dauyl #boran #qazgidromet #eskertu #almaty #oral #şymkent #pavlodar #taraz
#qaraǧandy #apat
