Qaraǧandy oblysynda sabaqtan keiın üiıne qaitpaǧan bastauyş synyp oquşysynyŋ anasy jauapqa tartyldy, dep habarlaidy "Adyrna" tılşısı Stan.kz aqparat agenttıgıne sılteme jasap.
Qarqaraly audandyq ışkı ıster bölımıne öŋır tūrǧyn 29 qyrküiek künı saǧat 23:40 şamasynda habarlasyp, 10 jasar qyzynyŋ joǧalǧanyn aityp dabyl qaqqan.
Anasynyŋ aituynşa mektep oquşysy tüsten keiın sabaqqa ketıp, saǧat 19.00-de mektepten qaituy kerek bolǧan.
"Bıraq qyz üiıne oralmaǧan. Dabyl qaqqan äiel qyzyn özı ızdei bastaǧanymen, ızdestıru nätije bermegen. Äiel polisiiaǧa qyzy joǧalyp ketkennen keiın bes saǧatqa keşıgıp habarlasqan", - dep habarlady Qaraǧandy oblystyq polisiia departamentınıŋ baspasöz qyzmetı.
Bükıl polisiia bölımı ızdestıru şarasyn jürgızıp, joǧalǧan qyzdy tapqan. 10 jastaǧy büldırşın mektepke barmai, künı boiy qūrbysymen bırge bolǧanyn anyqtady. Al saǧat 19.00-de oquşy qyz qūrbysynyŋ üiınen ketkennen keiın ony eşkım körmegen. Şūǧyl ızdesturı şaralarynan keiın qyzdy tapqan.
"Jedel ızdestıru toptary är üidı aralap, jertölelerdı, şatyrlardy, kärız qūdyqtaryn tekserdı. Bır jarym saǧattan keiın qyz aman-esen tabyldy. Ol üige jaiau kele jatqanyn, bıraq jolda qatty jaŋbyr jaua bastaǧanyn aitty. Jauynda qalmas üşın dombyra eskertkışındegı quysta kütken. Sol jerde jaiǧasyp, ūiyqtap qalǧan", - dep qosty polisiia.
Joǧalǧan qyzdy arnaiy mamandar tekserısten ötkızdı. Büldırşın psihologpen söileskennen keiın öz anasyna qaitaryldy. Mektep oquşysynyŋ anasyna qatysty oblystyq ÄQBtK-nıŋ 127-baby "Kämeletke tolmaǧan balany tärbieleu jäne (nemese) oqytu, qūqyqtary men müddelerın qorǧau jönındegı mındetterdı oryndamau" boiynşa äkımşılık hattama toltyryldy.
Ūqsas jaŋalyqtar
