Qarjylyq monitoring agenttıgı Qairat Boranbaev pen onyŋ agentı Roman Nahanovqa qatysty tergeu ısınıŋ aiaqtalǧanyn habarlady, dep jazady "Adyrna" ūlttyq portaly.
Sonymen qatar, tergeu «QazMūnaiGaz» ŪK» AQ basqaruşy direktory İbulla Serdı men «QazaqGaz» ŪK» AQ basqarma töraǧasynyŋ orynbasary Janūzaq Taiyrǧa da jürgızılgen. Olar asa ırı kölemde memleket qarjysyn jymqyryp, qylmystyq ısterge qatysty degen küdıkke ılındı.
Tergeude anyqtalǧandai, küdıktıler ūrlanǧan 14,5 mlrd teŋge kölemındegı qarajatty zaŋdy türde käsıpkerlık qyzmetten dividend bölu jäne töleu jeleuımen zaŋdastyrǧan. Osylaişa, zaŋsyz operasiialardy jasyrmaq bolǧan.
Atalǧan şyǧyn tergeu barysynda tolyq öteldı. Sonymen qatar, 38 milliard teŋge kölemındegı qolma-qol aqşa men qūny 4,2 milliard teŋgege tatityn jyljymaityn mülık tärkılendı.
Osy bölım boiynşa tergeu aiaqtalyp, materialdar proseske qatysuşylarǧa tanystyru üşın berıldı.
Qazır Avstriia, Latviia, Liuksemburg, Moldova, Täjıkstan, Bırıkken Arab Ämırlıkterı jäne Estoniiadada Boranbaevtyŋ kümändı äreketterıne qatysty tergeu ısı jalǧasuda.
Şeteldık ärıptesterden materialdar kelıp tüskennen keiın Boranbaev ısıne tiıstı qūqyqtyq baǧa berılmek.
Aita ketu kerek, 2010 jyldan berı Qairat Boranbaevqa qarasty kompaniialar ūlttyq müddege qaişy keletın paidany şeteldık şottarda şoǧyrlandyra otyryp, Qazaqstanda öndırılgen gazdyŋ edäuır bölıgın eksportaǧany anyqtaldy.
"Adyrna" ūlttyq portaly
Ūqsas jaŋalyqtar
