Jaqynda ǧana Qazaqstanǧa kelıp, İK tobynan sūhbat alǧan reseilık tanymal videobloger, jurnalist Iýrii Dud endı Dimaşpen sūhbattasu üşın Aqtöbege kelmekşı eken degendı estıp qaldym. Dudtıŋ sūhbattary men filmderın bırazdan berı körıp jürmın. YouTube arqyly nölden bastap ataqty bolǧan änşı Djastin Biberdıŋ jurnalistikadaǧy balamasy deuge bolatyn şyǧar.
Bıraq Dudtıŋ kei sūhbattaryn körıp otyryp, onyŋ tasasynda Kreml nemese Kremlge jaqyn toptar tūr ma degen oiǧa qaldym.
Mysaly Reseidıŋ basty propagandisınıŋ bırı Kiseliovten alǧan sūhbatyn körıŋız. Ol sūhbatta Kiseliov Dudtı "jep" qoidy. Porval kak tuzik grelku. Är sūhbattasuşysyn egjei-tegjei zertteitın, yŋǧaisyz sūraqtarymen būryşqa taqap alyp terletetın Dud būl sūhbatta mūǧalımnıŋ aldynda sümıreiıp tūrǧan oquşy bolyp qaldy!
Kiseliovtıŋ ataqty sözımen aitqanda: Sovpadenie? Ne dumaiu!
Būl sūhbat Resei propagandasyna syn köp aitylyp ketken, basty memlekettık telearnalardyŋ reitingı tömendegen tūsta şyqqany da nazar audartady.
Jä, būl olardyŋ ışkı şaruasy. Aitaiyn degenım, soŋǧy kezderı Dud qazaqtardy ainalşyqtai bastady. Bızge kelgıştep kettı. Reseidegı qazaqtardy tügendep bıtıp, endı Qazaqstandaǧy tanymal bola bastaǧan jas buynǧa üiırsek bolypty. Al Dudtıŋ sūhbat aluy bızge zor märtebe. Öitkenı sol arqyly senı milliondaǧan adam tanityn bolady. Osy jerde menıŋşe ülken gäp bar. Qanşa jerden aitsaŋyz da, Reseidıŋ mediatūlǧalary men saiasatkerlerı üşın bız būrynǧy otary, imperiianyŋ maŋyzdy periferiiasymyz!
Sondyqtan menıŋ paiymymşa, qazır Resei Qazaqstandy öz yqpalynan şyǧaryp almauǧa jantalasuda. Eskı buynmen aradaǧy äŋgıme tüsınıktı. Bıraq uaqyt ötedı, sahnaǧa jaŋa buyn şyǧuda.
Endı täuelsız elde tuyp, tarihy men taǧdyryn Reseimen bailanystyrmaityn jaŋa ūrpaqty qalai özıne qarai būru kerek? Olardyŋ tılın qalai tabuǧa bolady? Jalpy olardyŋ közqarasy qandai?
Būl sūraqtarǧa jauap tabu üşın jäne jaŋa, jas qazaqtardy özıŋnıŋ orbitaŋnan şyǧarmau üşın aldymen olardyŋ tamyryn basyp köru qajet. Nege mäselen Dud Qazaqstan tügılı şetelge tanylǧan Nainti Uan jıgıtterınen emes, İK-dan aldy?
Menıŋşe, mūnyŋ bırneşe sebebı bar. Bırınşıden, İK - taza Qazaqstannyŋ ışınde tanylǧan, özderın jastar arasynda erekşe tanymal K-POP baǧytymen bailanystyrmaǧan top. Ekınşıden, Nainti Uan önerdegı buntarlar bolsa, İK közqaras, ūstanymdaryn öner arqyly jetkızgen buntarlar!
Üşınşıden, İK tobynyŋ ökılderı orystıldı.
İK jıgıtterımen bolǧan sūhbattaǧy sūraqtardyŋ öne boiynan saiasi astardy aŋǧarǧan bolarsyz? Dudtıŋ būl sūhbatynda basqa da taqyrypta qoiylǧan sūraqtar men jauaptardyŋ bolǧanyna, olardyŋ bärı kesılıp tastalǧanyna bäs tıgemın.
Qatelesuım de mümkın.
Bıraq bilıgı keşegı imperiiany kökseitın, kösemı Keŋes Odaǧynyŋ ydyrauyn "eŋ ülken geosaiasi apat" dep sanaityn, säikesınşe bızdı tek şikızat şylauy retınde qarastyratyn (Euraziialyq ekonomikalyq Odaqtan körıp otyrmyz) körşınıŋ aiaq astynan qazaqtyŋ jas talanttaryna qyzyǧuşylyq tanytqany, olardy därıptei bastaǧany kezdeisoqtyq pa? Olai emes sekıldı!
Daneş BAIBOLATOV,
täuelsız sarapşy
Ūqsas jaŋalyqtar
