Belgılı jazuşy Ahat Jaqsybaev ömırden öttı dep habarlaidy «Adyrna» ūlttyq portaly.
Būl turaly QR Jazuşylar odaǧynyŋ ökılı Duman Ramazan Facebook-tegı paraqşasynda jazdy.
Ahat Jaqsybaev 1940 jyly 5 şıldede Pavlodar qalasynda tuǧan. Orta mekteptı bıtırgen soŋ 1958-1960 jyldary Ekıbastūz qalasynda drenajdy şahtada jūmys ıstegen.
1965 jyly Qazaq memlekettık universitetın filologiia fakultetınıŋ jurnalistika bölımın bıtırgen.
1965-1967 jyldary “Leninşıl jas” (qazırgı “Jas alaş”) gazetınıŋ ädebi qyzmetkerı, bölım meŋgeruşısı, 1972-1992 jyldary “Jūldyz” jurnalynyŋ jauapty hatşysy, 1993-1997 jyldary “Qazaq ädebietı” gazetınıŋ bas redaktory, 1998-2000 jyldary “Aqiqat” jurnalynyŋ bas redaktory qyzmetterın atqarǧan.
2001 jyldan “Jas örken” balalar basylymdary aksionerlık qoǧamynyŋ prezidentı.
2005 jyldyŋ şılde aiynda «Jas örken» aşyq aksionerlık qoǧamy «Jas örken» jauapkerşılıgı şekteulı serıktestıgı bolyp qaita qūryluyna bailanysty «Jas örken» JŞS bas direktory bolyp taǧaiyndaldy. 2007 jyldyŋ aqpan aiynda ötınışı boiynşa qyzmetten bosatylyp, zeinetke şyǧyp, erkın şyǧarmaşylyq jūmysqa köşken.
Aita ketu kerek, onyŋ “Menıŋ dostarym” (1968),“Qaiyrly taŋ” (1970),“Bozaral” (1973) povesterı, “Eges” (1975), “Böget” (1981), “Qorǧan” (1991), “Qaitpas qaisar” (2002), “İsa aqyn” (2010) romandary, “Jany jaisan jaqsylar” (2006) atty estelıkter kıtaby şyqqan. G.Haggardyŋ “Margart aru” romanyn, R.Medvedevtıŋ “Stalinnıŋ serıkterı” kıtabyn, V.Astafevtıŋ “Ömır ötkelderı” povesın qazaq tılıne audarǧan.
"Adyrna" ūlttyq portaly jazuşynyŋ otbasyna, aǧaiyn-tuystaryna qaiǧyryp, köŋıl aitady.
«Adyrna» ūlttyq portaly.
Ūqsas jaŋalyqtar
