Qazaqstan Respublikasy Aqparat jäne qoǧamdyq damu ministrı Aida Balaeva belgılı jazuşy Äkım Tarazidıŋ qaitys boluyna bailanysty jaqyndaryna köŋıl aitty, dep habarlaidy “Adyrna” ūlttyq portaly.
“Qazaq ädebietınıŋ alyp bäiteregı, ūlaǧatty ǧūmyryn ūlt ädebietıne arnaǧan körnektı qalamger Äkım Tarazidıŋ dünieden ozuyna bailanysty barşa alaş jūrtyna qaiǧyra köŋıl aitamyn.
Äkım aǧamyz toqsannyŋ törıne şyǧyp, ömırşeŋ şyǧarmalarymen qalyŋ qazaqtyŋ qadırlısıne ainalǧan, adami qasietı, parasaty biık ardaqty azamat edı. Qazaq prozasynyŋ kökjiegın keŋeitıp, körkem ädebiettıŋ körnektı tuyndylaryn düniege äkelgen bırtuar tūlǧa önegelı ömır joly arqyly ūlt ruhaniiatyna sübelı üles qosty.
Qalamgerdıŋ jarqyn beinesı, artynda qalǧan mol mūrasy halyq jadynda mäŋgı saqtalady dep senemız. Marqūmnyŋ tuǧan-tuystaryna, jaqyndary men ūrpaqtaryna, barşa qalamdas ärıptesterı men oqyrmandaryna, aiauly jary Roza apamyzǧa qaiǧyra köŋıl aitamyn. Allanyŋ raqymy men meiırımı joldas bolyp, jatqan jerı jaily, topyraǧy torqa bolsyn”, dedı Aida Balaeva.
