Qytaıdaǵy jer silkinisi. Toqaev Sı zınpınge kóńil aıtty

1205
Adyrna.kz Telegram
Foto: Aqorda
Foto: Aqorda
Memleket basshysy Qasym-Jomart Toqaev Qytaı Halyq Respýblıkasynyń Tóraǵasyna kóńil aıtý jedelhatyn joldady. Bul týraly Aqorda málimdedi, dep habarlaıdy “Adyrna” ulttyq portaly.

Málimet boıynsha, jedelhatta Sızan avtonomııalyq aýdanynyń Shıgaze qalasynda bolǵan joıqyn jer silkinisi saldarynan kóptegen adamnyń qaza tapqany jáne zardap shekkeni týraly sýyt habardy tereń kúızelispen qabyldaǵanyn jetkizdi.

Sonymen qatar Prezıdent  Qazaqstan halqynyń jáne óziniń atynan QHR tóraǵasy Sı zınpın men jaqyndarynan aıyrylǵan otbasylarǵa, sondaı-aq dostas qytaı halqyna kóńil aıtyp, apatta jaralanǵandardyń tez arada saýyǵyp, otbasylaryna oralýyna tilektestik bildirdi.

Aıta keteıik, Shıgaze qalasynyń mańynda jer silkinisi 2025 jylǵy 7 qańtarda jergilikti ýaqyt boıynsha saǵat 09:05-te (Astana ýaqyty boıynsha 06:05) tirkelgen. Kýágerlerdiń aıtýynsha, kúshti jer asty dúmpýleri Bıhar, Assam jáne Batys Bengalııada sezilgen. Turǵyndar úreılenip úılerinen júgirip shyqqan. Jer silkinisinen kem degende 32 adam qaza taýyp, taǵy 38 adam zardap shekken. Qytaı Tóraǵasy Sı zınpın keń aýqymdy qutqarý jumystaryn bastaý týraly tapsyrma berdi.

AQSh Geologııalyq qyzmetiniń málimetinshe, jer silkinisiniń kúshi 7,1 ball bolǵan. Qytaıdyń seısmıkalyq ortalyǵy onyń kúshin 6,8 ball dep boljap otyr.

Реклама
  • ИП Попов А.П.
  • ИНН: 602715631406
Этот танец невесты оставит вас без слов! Пересмотрела 10 раз!
Реклама
  • ИП Попов А.П.
  • ИНН: 602715631406
Галкин и Пугачева станцевали зажигательный танец на Кипре
Реклама
  • ИП Попов А.П.
  • ИНН: 602715631406
Морщины исчезают за ночь! Попробуйте этот домашний метод…
Pikirler