Qazaq elınıŋ «myŋ ölıp, myŋ tırılgen» tarihynda jan alysyp, jan berısken joiqyn soǧystar men halyqtyŋ jaǧdaiyn qiyndatqan nebır sūrapyl oqiǧalar az bolǧan joq. Bıraq solardyŋ bärınde XX ǧasyrdyŋ otyzynşy jyldaryndagy alapat aşarşylyq kezınde oryn alǧan asa zor adam şyǧyny «aqtaban şūbyryndy, alqaköl sūlamadan» da bırneşe ese asyp tüsken.
«1932-1933 jyldary men Jualyda mūǧalımdık qyzmettı atqaryp, balalarǧa arab töte jazuynan sabaq berıp jürdım. Bır joly adamnyŋ jany türşıgetın sūmdyq oqiǧanyŋ kuäsı boldym. Bosqyndardyŋ ışınde bır pysyqtau kelgen jıgıt qoidyŋ qarnyna adamnyŋ maiyn qüiyp alypty. Ol ölgen adamdardyŋ qarnyn jaryp jıberıp ış maiyn şyjǧyryp qarynǧa qūiyp alǧan. Adamnyŋ maiy qoidyŋ ış maiyndai toŋbai, sol süiyq küiınde tūra beredı eken. Söitse, bül aşyqqan adamǧa küş-quat beretın bolsa kerek. Ölgen adamnyŋ etı jaramsyz, az ǧana uaqyttyŋ ışınde tez būzylady. Jaramdysy osy - ış maiy. Baiqamaǧan adam aştyq äbden şyŋyna jetken adam dy alǧaş körgende baǧuy kelısken äldı adam eken dep qabyldaidy. Alaida būl - denenıŋ borpyldap, kılkıldep, ısınıp ketuı... Osynyŋ bärın öz közımmen kördım», - dep Amanbek aqsaqal äŋgımesın bır auyz sözben tüiındedı.
(Amanbek Baidalyūly qariianyŋ estelıgı,
«Äulie-Ata öŋırındegı aşarşylyq» kıtabynan)
Ūqsas jaŋalyqtar
