“Quqyqtyq kómek" partııalyq jobasy aıasynda 1 626 qabyldaý, 4 myńnan astam adamǵa tegin zań kómegi kórsetildi. Bul týraly Respýblıkalyq qoǵamdyq qabyldaý bóliminiń meńgerýshisi, belsendi Álııa Sadyrbaeva Facebook paraqshasynda jazdy, dep habarlaıdy “Adyrna” ulttyq portaly.
"Qazirgi jaǵdaıda azamattardy quqyqtyq nasıhattaý men quqyqtyq tárbıeleýdiń mańyzy artyp keledi. Al azamattardyń quqyqtaryn buzýdyń kópshiligi aqparattyq resýrstar men zań kómegine qol jetkizý shektelgen shetki aımaqta oryn alýda", - dep atap ótti Qasym-Jomart Toqaev.
Dostar, ózderińiz biletindeı, bıylǵy jyldyń basynda biz azamattarǵa zańgerlik jáne quqyqtyq kómek kórsetýge baǵyttalǵan "Quqyqtyq kómek" partııalyq jobasyn bastadyq. Búgingi tańda biz 1 626 qabyldaý ótkizdik, onda 4 myńnan astam adamǵa tegin zań kómegi kórsetildi.
Óz quqyqtaryn bilý - azamattyq kúshtiń negizi. Al qoǵamdyq qabyldaý alańdarynda iske asyrylatyn "Quqyqtyq kómek" partııalyq jobasy bizge árkim óz quqyqtaryn biletin jáne olardy qorǵaı alatyn zańdy saýatty qoǵam qurýǵa kómektesedi.
21-23 qarasha aralyǵynda Respýblıkalyq qoǵamdyq qabyldaý bólimi zań konsýltaııalaryn QR Parlamenti Májilisiniń depýtattary Marat Báshimov, Qaırat Balabıev jáne Ýnzıla Shapak, zańnama jáne sot-quqyqtyq reforma Komıtetiniń músheleri, sondaı-aq Zańgerler odaǵy kórsetetin bolady. Keńes alý úshin aldyn ala jazylý qajet emes. Kestede kórsetilgen ýaqytqa kelýge bolady”, dep jazdy ol.
