Pıknıkti qalaı este qalatyndaı etip uıymdastyrýǵa bolady? Árıne, eń aldymen janyńyzda júretin adamdardy tabý mańyzdy. Sodan keıin ǵana daıyndyqty bastaý kerek. «Adyrna» ulttyq portaly pıknıkke shyqqanda umytpaý kerek 10 zattyń tizimin usynbaq.
Shyǵatyn kúndi belgileý
Aýa raıyn baqylap, eń jyly kúndi tańdańyz. Idealdy pıknıktiń jańbyrly kúni ótýi múmkin emes. Al eger aýa raıyna senbeıtin bolsańyz, birden birneshe jaýyn ótkizbeıtin arnaıy kıim satyp alyńyz.
Pıknıkke shyǵatyn kún týraly dostaryńyzben aqyldasyńyz. Qashan shyǵatyndaryńyzdy sheshtińizder me? Ári qaraı jalǵastyramyz.
Jaqsy jer tabý
Qaraǵan kózge ádemi, jasyl túspen kómkerilgen jer izdeımiz. Kólge, ormanǵa nemese jaqyn mańdaǵy saıabaqqa barýǵa bolady. Múmkin siz turatyn qalanyń mańynda taý bar shyǵar. Onda, tipti, jaqsy.
Tamaq daıyndaý
Endi pıknıkke aparatyn taǵamdardyń tizimin qurastyramyz. Eń durysy - ártúrli jeńil tamaqtar men jemis-jıdek alý. Pıknıkke alyp shyǵatyn azyq-túlik tez buzylatyn zattar bolmaýy kerek. Mysalyǵa býlochka, pechene, jeńil desertter, kesilgen syr alyp shyǵýǵa bolady. Ol zattardyń qarapaıym ári dámdi bolǵany durys. Alaıda sizge buıryq berýden aýlaqpyz. Ystyq tamaq pisirip alyp shyǵamyn deseńiz de óz erkińiz.
Sýsyndardy umytpaý
Pıknık úshin shaı da, shyryn da jaraı beredi. Barynsha alkogoldi sýsyn aparmaǵan durys. Sýsyndy synbaıtyn ydyspen aparyńyz. Tamaq pen sýsyn daıyn. Ári qaraı kettik!
Skatert pen jamylǵysh alý
Endi tamaqtanatyn oryndy tańdaý kerek. (Eki skatert alamyz). Tańdap bolǵan soń alyp kelgen birinshi plenkany jerge jaıamyz. Onyń ústine mata skatertti ornalastyramyz.
Otyratyn jerdi sheship alý
Pıknıkte jaısyzdyq týmaý úshin arnaıy jınalatyn ústel men oryndyqtar alyp shyqqan durys. Olardyń kólemi dıplomat sııaqty kishkentaı bolady. Sonda bul qajetti zattardy kóliktiń bagajyna ońaı sala alasyz.
Ydys-aıaq tańdaý
Aq plastık ydys almaı-aq qoıyńyz. Bul pıknıktiń ádemiligin buzady. Plastık ydys alsańyz da, pıknıkke arnalǵan ádemi nabor bolǵany durys. Sonymen qatar 2 bokal men býterbrod pen jemis-jıdekter salatyn birneshe úlken tarelka alýdy usynamyz.
Kóńil kóterý jaǵyn oılastyrý
Tabıǵat aıasynda nemen aınalysýǵa bolady? Badmınton raketkalaryn ózińizben alyp shyǵyńyz. Odan bólek ústel oıyndaryn da oınaýǵa bolady.
Sonymen qatar tabıǵat aıasynda gıroskýtermen serýendeý de taptyrmas múmkindik.
Al eger pıknıkti jaǵajaıda uıymdastyratyn bolsańyz, shomylýǵa arnalǵan zattardy alýdy umytpańyz.
Tamaq ishetin ústeldi jabdyqtaý
Joǵaryda plastık ydystan bólek, úlken ydystar alyp shyǵyńyz degen edik. Sol ydystarǵa jemis-jıdekterdi týrap qoıyńyz. Budan bólek korzına alyp shyǵýdy este saqtaý kerek. Sol korzınany táttilermen bezendirip, ádemi fotolar túsirýge bolady. Budan bólek túrli tústi salfetkalarmen ústeldi bezendirse, ádemi kóriniske tamsanatyn bolasyz.
Sómkeni jınastyrý
Sońǵy áreketter qaldy. Tamaq daıyn, ydystar kólikte jatyr. Taǵy ne alý kerek?
Dári-dármek. Kishigirim dárilerdi salatyn arnaıy ydys alǵan jón.
Jándikterden qorǵaıtyn arnaıy zattar. Tabıǵat aıasynda jándikterge tap bolatynyńyz anyq.
Sý. Ishetin jáne qoldanýǵa arnalǵan sý alǵan durys.
Kúnnen qorǵaıtyn krem. Terińizdiń kúıgenin qalamaıtyn shyǵarsyz?!
Sýly maılyqtar. Tamaqtanǵan soń mindetti túrde qoldy súrtken durys.
Qoqysqa arnalǵan paket. Pıknıkten soń siz otyrǵan jerde esh nárse qalmaý kerek. Tabıǵatty lastamańyz!
"Adyrna" ulttyq portaly
